Mateo 26:2

Aymar Bibliia 1986

“Cunjämtejj jumanacajj yatipctajja, acat pä urutjja pascua fiestäjjewa. Jaken Yokapasti catuntayatäniwa ucat ch'accatataraquïniwa.”

Jak'a apnaqawi uñst'ayäwi

Éxodo 34:25

“Animalanac sacrificio loktañataquisti, janiw wilampi, levaduran t'ant'ampejj loktañatac apthapïtati, ni pascua fiestan sacrificio loktatäqui ucan jilt'anacapsa khepärmanthitaquejj imaraquïtati.

Mateo 10:4

Cananista partidonquir Simón, Jesusar aljantirïquis uca Judas Iscariotempi.

Mateo 17:22

Galileanccasinsti Jesusajj jupanacarojj sänwa: “Jaken Yokapajj juchararanacan amparapar catuyatäniwa,

Mateo 27:4

Jupanacarusti saraquïnwa: —Nayajj juchanïtwa mä jan juchanir catuntayañataquejja —sasa. Ucjjarusti mayninacajj sapjjaraquïnwa: —Jichhasti, ¿cunarac ucasti nanacataquisti? ¡Jumay cunarus tucuscamjja! —sasa.

Lucas 22:15

Ucatsti Jesusajj jupanacarojj sänwa: —¡Walpun jumanacampejj aca Pascua mank'a mank'añjja munäyäta janïra jiwcasina!

Juan 11:55

Mä juc'a urunacaquejjänwa judionacan Pascua fiestapan puriñapajja. Walja jakenacaw marcanacatjja Jerusalenaru sarapjjäna, janïr Pascua purinquipana k'omachasiñ culto lurañataqui.

Juan 12:1

Pascua fiestataquisti sojjtüruquïpanwa Jesusajj Betaniaru saräna, Lazarojj jaccäna ucaru, cawquïrirutejj Jesusajj jiwatat jactayäna ucaru.

Juan 18:2

Aljantiri Judasajj uca chekjja uñjaraquïnwa, Jesusajj walja cuti discipulonacapampi ucawjaru sarirïtap laycu.

Juan 18:32

Uqhamaw Jesusan arsutapajj phokhasi, cunjämtejj jiwañapäcäna ucajja.

Juan 2:13

Judionacan Pascua fiestapajj niya jac'äjjatap laycojja, Jesusajj Jerusalén marcaruw sarawayjjäna.