Mateo 24:7

Aymar Bibliia 1986

Mä jach'a marcajj yakha jach'a marca contraw nuwasini, mä marcasti yakha marca contraraquiw sartani, ucapachaw mank'at pist'añajj utjani, usuñanacasa, orak qhatatinacas walja chekanacana.

Jak'a apnaqawi uñst'ayäwi

2 Crónicas 15:6

Jach'a marcanacasa, jisc'a marcanacasa, maynit maynicamawa tucjasipjjäna, Tatitojj cunaymani t'akhesiñanacampi ajjsarayatap laycu.

Isaías 19:2

Egiptonquir jakenacarojj payaruw jaljtayä, jupanac pura nuwasiyä, amigojj amigop pura, marcasti marca pura, reinojj reino puraraqui.

Ezequiel 14:21

“Naya Tatitusti arstwa: Cunapachatejj Jerusalén marcjjaru nayajj pusi jach'a ajjsarcañ mutuyäwinaca apayanï ucqhajj juc'ampi jan walt'cañäniwa; guerranaca, mach'anaca, ajjsarcañ animalanaca, cunaymani usunaca apayancä, jakenacarusa, uywanacarusa jiwaraycä ucapachajja.

Ezequiel 21:27

Take cunsa mayjaru t'unthapitwa jaytawayaraquëjja, take cunas t'unthapitcama. Ucampisa take ucanacajj lurasiniwa, cunapachatejj nayajj siscä qhitirutejj take acanaca lurañapataqui ucaru, uqhamat cheka cancañajj utjañapataqui.’

Zacarías 14:13

Uca Tatitun urupanjja sustjasiñaw phokhantanejja. Sapa mayniraquiw jac'apancqui ucarojj amparat catuntanejja, amparanacapsti aptapjjaraquiniwa maynit maynicama nuwasiñataqui.

Lucas 21:11

Utjaniwa jach'a orak qhathatinaca, mank'at awtjayasiñanaca, uqhamarac usunaca take chekana; alajjpachansti sustjascañanacampi uqhamarac jach'a unañchanacampiw uñjasini.

Hechos 11:28

Uca profetanacat maynïriw utjäna Agabo sutini. Jupasti jilatanac taypin sayt'asisinwa Kollan Ajayu toke jupanacar yatiyäna: “Mä jach'a mach'aw take oraker jutani” sasa. Ucasti Claudio sat jach'a jilïrin urunacapanwa phokhasïna.

Hechos 2:19

Alajjpachansti muspharañanacwa uñacht'ayä, orakensti unañchanacaraqui, wilampi, ninampi, jek'e kenayampi.

Hebreos 12:27

“Mä cuti” sañapampejja, take cunaw Diosan lurat onjjtir yänacajj jalaktjjani, jan onjjtirinacaquiw kheparjjani sañ muni.

Apocalipsis 6:12

Cunapachatejj Corderojj sojjtïri sello ch'iyjqui ucqhajja, uñjaractwa mä jach'a orak qhathati. Intisti luto isjamawa ch'iyart'awayjjäna, phajjsisa wilaraquiw tucuwayjjäna.

Apocalipsis 6:5

Cunapachatejj Corderojj quimsïri sello ch'iyjcän ucqhajja, quimsïri jacasquiriruw aqham siri ist'ta: “¡Jutam, uñjaraquim!” sasa. Uñtasinsti uñjaractwa mä ch'iyar caballo. Lat'jjatatäcän ucasti mä balanza apt'atänwa.

Apocalipsis 6:6

Uca pusi jacasquirinac taypitsti mä aru ist'aracta aqham siri: “Mä kilo trigoquiw churasini mä denario kollketjja, quimsa kilo cebadaquiraquiw churasini mä denario kollketjja; janiraqui ina ch'usaru wartamti aceitsa ni vinsa.”

Apocalipsis 6:8

Uñtasinsti uñjaractwa mä k'ellu caballo. Lat'jjatatäcän ucan sutipasti “Jiwaña” satänwa, khepäjjapsti qhititejj jiwatanacajj cawqhanquis uc uñjquejj ucaraquiw jutäna. Aca orakensti chicatan chicatapjjaru munañanïñawa churataraquïna, nuwasiñanacampi, mach'anacampi, usunacampi, cunayman jan wali animalanacampi jake tucjañapataqui.