Mateo 22:16

Aymar Bibliia 1986

Mä kawkha jupanacanquiritwa qhitapjjäna, uqhamarac Herodesanquirinacatsa Jesusajj ucaru aqham saniñapataqui: —Yatichiri, yatipjjtwa jumajj chek arsurïtamjja, uqhamarac Diosan thaquipatsa wali sum yatichatamjja jakenacajj arusquis ucanacar jan ist'asa. Janiraquiw jumajj jakenacarus alek uñcatasaqui uñjctati.

Jak'a apnaqawi uñst'ayäwi

1 Reyes 22:14

Micaías profetajj sänwa: —¡Nayajj juramentwa Tatit laycu lurta, cuntï Tatitojj sisquitani parlañajja ucacwa parläjja! —sasa.

Salmos 12:2

Maynit maynicamaw c'arintasipjje, sallka chuymampiw parlapjje, ch'ojjña chuymampiw arsupjjaraqui.

Salmos 5:9

Jupanacajj janipuniw khana chuymamp arsupquiti, ¡chuymanacapajj ñankhamp phokhantatawa! Mallk'apajj jist'arat amay imañawa, ¡lajjrapasti c'ari lajjrawa!

Salmos 55:21

Arunacapajj liq'it sipan juc'amp koñawa, amuyunacapasti nuwasiñ amuyunacawa, arsutanacapajj aceitet sipan juc'amp koñawa, ucanacasti ari espadanacar uñtatawa.

Proverbios 29:5

Qhititejj amigopar sinti jach'achqui ucajja, chekpachansa amigopan jan walt'añapataquiw sipita uchasqui.

Malaquías 2:6

Leví tribusti cunatejj chekapäqui ucwa yatichäna, janiraquiw lacapansa jucha parlañajj utjcänti. Nayampisti suma samarañ arust'äwinrac jacaraquïna, ucatsti waljaniruraquiwa jucha lurañat jithektayaraquïna.

Malaquías 2:9

Ucatwa nayajj jumanacarojj take jakenacampi uñisiyapjjäma jan wali jakenacat uñt'ayapjjaraquïma, jumanacan nayaru jan ist'apjjatamata, yatichäwinacamansa jan takeniru mayaqui yatichapjjatam laycu.” Uqham siw take ch'amani Diosajja.

Mateo 22:24

—Yatichiri, Moisesajj sänwa: ‘Maynitejj jan wawani jiwani ucajja, sullca jilapaw warmipampi casarasiñapa, jilapataqui familia sartayañapataqui” sasa.

Mateo 22:26

Uca quicparaquiw payïri jilapampis pasi, quimsïri jilapampis uqhamaraqui, pakallkonpachaw uqham uca warmimpejj casarasipjjäna.

Mateo 26:18

Jupasti sänwa: —Sarapjjam marcaru, mayni jaken utaparu, ucatsti sapjjaraquim: “Yatichirejja aqham siwa: Horasajjaw jac'achasini, utamanracwa discipulonacajjampejj pascua fiestjja pasäjja” —sasa.

Mateo 26:49

Purinisinsti jupajj Jesusarojj sänwa: —¡Aruntsmaw Yatichiri! —sasa. Ucatsti jamp'att'araquiwa.

Marcos 10:17

Cunapachatejj Jesusajj ucawjat sartawayascän ucqhaw mä jakejj jalani. Jesusan nayrakatapar quillt'asisinsti, juparuw jisct'äna: —Suma yatichiri, ¿cuna lurañajjasa waquisi wiñay jacañ catokañataquejja? —sasa.

Marcos 12:13

Ucjjarusti Jesusan ucarojj qhitanipjjänwa mä kawkha fariseonacampi Herodesar arquirinacampi, jupar pantjayañataqui, ucatsti juchañchañataquiraqui.

Marcos 12:14

Jupanacasti purinisinjja sapjjänwa: —Yatichiri, yatipjjtwa cheka arsur jakëtama, cuns jakejj sispan ucar jan ajjsarasa. Jumajj janiw jaken ajanup uñcatasac juchañchctati, jan ucasti Diosan thaquipatjja chek yatichtajja. Jichhajj sapjjeta: ¿Cesarar impuesto churañajj waquisiti? ¿Churapjjäti janicha? —sasa.

Marcos 3:6

Fariseonacasti mistusinjja Herodesan arquirinacapampi parliriw sarapjjäna Jesusarojj cunjämats jiwayañataqui uca arust'iri.

Marcos 8:15

Jesusasti jupanacarojj ewjjt'änwa: —Amuyasipjjam fariseonacan levadurapampita, Herodesan levadurapampitsa —sasa.

Lucas 20:21

Ucatwa acjja jisct'apjjäna: —Yatichiri, yatipjjtwa juman satamasa uqhamaraqui yatichatamas chekätapa, janiraquiw jumajj juchañchctati uñcatasaquejja, jan ucasti chek yatichtajj Diosan thaquipjja.

Lucas 7:40

Ucatwa Jesusajj fariseo jakerojj saraqui: —Simón, may sañajjaw utjitu —sasa. —Fariseo jakesti saraquïnwa: —Sascaquita, Yatichiri —sasa.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 18:37

Pilatojj ucjjarojj sänwa: —¿Uqhamajj jumajj Reyïtati? —sasa. Jesusasti sänwa: —Reyïtwa nayajja, cunjämtï jumajj siscta uqhama. Nayajj ucataquiw nasta, acapacharusti juttwa cunatejj chekäqui uc yatiyiri. Take qhitinacatejj chekan sarnakapqui ucanacajja, ist'apjjewa nayajj cuntejj siscta uca —sasa.

Juan 7:18

Qhititejj jupa pachpat parlqui ucajja, jakempi jach'añchayasiñataquiquiw parli, ucampis qhititejj jupar qhitanqui ucaru jach'añchayañataqui parlqui ucan arunacapajj chekawa, janiraquiw cuna jan walis jupanjj utjquiti.

2 Corintios 2:17

Nanacajj janiw Diosan arunacapjja mä alaquip lurañar uñtata churapcti, cunjämatejj yakhepanacajj lurapjje uqhama. Diosan arunacapjja take chuymaw yatiyapjjta, Diosan qhitatanacapjama, Dios nayrakatan parlasa, Cristonquir jakenacjamaraqui.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

2 Corintios 5:16

Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

Gálatas 1:10

Cunapachatejj ac siscta ucqhajja, ¿nayajj jakempit waliquiw sayasiñ muntjja, jan ucajj Diosampich waliquiw sayasiñ muntjja? Jan ucajj ¿jakeruch cusisiyañ muntjja? Nayatejj jaker cusisiyañ munasquirista ucajja, janiw Criston sirviripäquiristti.

Gálatas 2:6

Ucampis janiw cuna jan uñt'at machak yatichäwsa churapquituti mä jilïrinacjamajja, ucampis cunäsipcpansa, cunsay lurasipcpan, Diosajj janiw ankäjj uñjasinacti taripquejja.

Deuteronomio 33:9

cawquïritejj awquinacaparojj: ‘Janipuniw uñjcti’ sisqui, jilanacaparusa: ‘Janiw uñt'caractti’, wawanacaparojj: ‘Janiw yatctti, qhitïsipcchejja’ sasa. Jupanacasti arunacamaruw phokhapjje, jupanacasti arust'äwinacam phokhañaruw catuyasipjjaraqui.

1 Tesalonicenses 2:4

Jan ucasti, Diosajj asquit uñt'apjjetu, pachpa khespiyasiñ arunac parliriw qhitapjjetu, uqhamarjamaw parlasipcaractjja. Janiw jaker cusisiyañ munapcti, jan ucasti chuymanacas uñt'ir Diosaruw cusisiyañ munapjjta.

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.