Mateo 21:21

Aymar Bibliia 1986

Jesusasti jupanacarojj sänwa: —Khanacwa sapjjsma, jumanacantejj iyawsañanacamajj utjapjjeristam, janirac pächasiñas utjapjjeristam ucajja, janiw nayajj lurcta ucac lurapcasmati, jan ucasti qhä kollur: “Sartam, ucatsti kotar mantam” sapjjasma ucajja, lurasispawa.

Jak'a apnaqawi uñst'ayäwi

Mateo 14:29

Jesusasti juparojj sänwa: —Jutascaquimaya —sasa. Pedrosti botet sarakasinjja jupan ucaruw saräna uma patanjama.

Mateo 17:20

Jesusasti jupanacarojj sänwa: —Jumanacan iyawsañamajj wali pisiwa. Khanacwa sapjjsma, jumanacantejj iyawsañamajj utjaspa mä mostaz jatha ucch'aquisa, aca kollurojj: “Sartam acawjata, yakha chekaru” sapjjasmawa, ucat uca kollusti yakhawjaruw sartaspa. Janiw cunas ch'amäcaspati, jumanacantejj iyawsañajj utjaspa ucajja.

Mateo 21:20

Uqham uñjasinjja discipulonacapajj muspharapjjänwa, Jesusarusti jisct'apjjaraquïnwa: —¿Cunjämarac aca kokasti mäqhi wañsuwayjje? —sasa.

Mateo 8:12

Ucampis qhitinacatejj uca suma marcancañapäqui ucanacajja, anka ch'amacaru jakonucutäniwa; ucanwa wararipjjani, laca ch'acsa t'urusipjjaraquini —sasa.

1 Corintios 13:2

Diosat catokat arunactejj parliristjja, uqhamarac Diosan amtatanacapsa k'al yatirista, take cuns yatiraquirista, iyawsañajjas jach'araquïspa kollunac onjjtayañcamajja, ucat janiraqui munasiñanïquiristjja, janiw nayajj cunäctsa.

Santiago 1:6

Ucampis take iyawsañampiw mayiñapa, jan acch'as pächasisa. Pächasiri jakesti kota mathapimpi sasiwa thayampis ucsar acsar apata.