Mateo 2:16

Aymar Bibliia 1986

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Jak'a apnaqawi uñst'ayäwi

Génesis 39:14

utan uywatanacaruw jawsi, saraquïnwa: —Acajj uñjapjjam; chachajjajj mä hebreo jake acar irpasini, jichhasti jupajj jiwasat burlasiwa. Utaruw mantani, ucat nayampi iquintañ munejja, ucampis nayajj jach'at warartatta,

Génesis 39:17

Ucat chachaparojj avisi aqham sasa: —Uca hebreo esclavo irpanctas ucajja, utajjaruw mantani, ucatsti nayat burlasiñwa munitu,

Génesis 49:7

¡Maldicitäpan, jïsa maldicitäpan uca jach'a colerasiñapajja! ¡Nayaw jupanacarojj k'al anatatä take Israel marcana!

2 Reyes 8:12

Ucat Hazael chachajj juparojj jisct'änwa: —¿Cunatsa, tata, jachtajja? —sasa. Eliseosti ucjjarojj sänwa: —Nayajj yattwa, jumajj jan walwa israelitanacaru lurätajja uca, nuwasiñataqui lurat utanacapjja ninampiwa naqhantayäta, ucanquir waynanacarojj espadampcamaw jiwarayäta, jisc'a wawanacarusti jiwayaraquiquïtawa, uqhamarac usur jake warminacarusti puracanacapwa jist'jaraquïtajja ucanac yatisaw jachta —sasa.

Job 12:4

Jan juchani k'omäcsta ucasa, mä urunacanjja Diosajj mayisitajj-jja ist'araquitänwa, nayampi chica sarnakeri jakenacajj larusipjjewa.

Proverbios 28:15

Mä jan wali apnaker khoru jilïrejj, wararir leonjamawa, jan ucajj mank'at awtjat osor uñtatawa pobre jakenacar t'akhesiyas apnake.

Proverbios 28:17

Qhititejj jake jiwaycani ucajja, jiwañcamaw imantasiñatac jalnakascani. ¡Uca jakerojj jan qhitis jarc'panti!

Isaías 26:21

Tatitusti palaciopatwa mistunini, aca oraken jaquir jakenacar juchanacapat mutuyañataqui, orakesti janiraquiw juc'ampi jaken jiwayatanacarojj imantcjjaniti, jan ucasti take jan wali luratanacjja khanaruw apsuni.

Isaías 59:7

cayunacapasti ñankha tokeruquiw jalañ munasipqui, jan juchani jaker jiwayiris janc'aquiw jalañ munapjje. Amtañanacapansti jak jiwayañanacac amtasipqui, cawqui chektejj sarapqui uca chekanacansti t'unjatäñaquiw utjasqui.

Daniel (hebreo) 3:13

Nabucodonosor reyisti ucanac ist'asajj wal colerasïna, ucatsti Sadrac, Mesac, uqhamaraqui Abed-nego sisqui ucanacaruw jupan nayrakataparu irptayanïna. Cunapachatejj uca jawsayatanacajj reyin nayrakataparu uñstapjjäna ucapachasti,

Oseas 10:14

jan walt'añanacaquiw jumanac taypinjja utjani, ucatsti take sayt'asiña perkanacamasa tucjatäniwa, cunjämatejj Salmán reyejj Bet-arbel marcarojj tucjcäna nuwasiñ urupanjja, cunapachatï warminacarusa wawanacapamppacha jiwarayapjjänjja uqhama.

Números 22:29

—Jumajj nayatwa phiscasisquistajja. Mä cuchillotejj amparajjan utjitaspa ucqhajj anchhitpachaw jiwayirisma —sasaw Balaamajj saraquïna.

Números 24:10

Acanac ist'asajj Balac reyejj Balaamataquejj wal colerasïna; amparanacap t'ajjllirasisajj, aqham sänwa: —Nayasti jumarojj jawsaysmaw uñisirinacajjar maldiciñamataqui, ucampis jumajj niyaw quimsa cuti bendisjjta.

Mateo 2:1

Jesusasti Belén marcanwa nacïna Judea orakena, ucapachasti Herodesaw reyïscaraquïna. Jerusalén marcarusti mä jakenacaw inti jalsu toketa purinipjjäna, jupanacasti magonacäpjjänwa.

Mateo 2:17

Uqhamatwa Jeremías profetan kellkatanacapajj phokhasïna:

Mateo 2:7

Ucapachaw rey Herodesajj jamasat uca magonacarojj jawsasin jisct'äna cunapachapunisa uca warawararojj uñjapcatayna uca.

Apocalipsis 12:4

Wich'inqhapampisti quimsïri partwa alajjpach warawaranacjja onjjtayäna, ucatsti orakeruraquiw willirtayanïna. Aca dragonasti uca wawachasiri warmin nayräjjaparuw sayt'asi, uca wawar ucspacha mank'antañataqui.

Apocalipsis 17:6

Ucatsti mäquiw amuyasta uca warmejja Diosan wawanacapana, Jesucristot khanañchirinacana wilapampi machjatätapa. Uc uñjasinsti wali musphataw uñjasta.

Jueces 16:10

Ucat Dalilajj saraquïnwa: —¡Jumasti nayarojj sallkjistawa, c'arisisinjja! Ucampis jichhajja achict'smawa yatiyita cunjämatsa jumajj ñach'antatäsma uca.