Mateo 11:21

Aymar Bibliia 1986

“¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

Jak'a apnaqawi uñst'ayäwi

Job 42:6

Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”

Jeremías 13:27

Jan wali amtatamjja uñjtwa, wachok jucha luratamsa, mä p'enka yakhanacampi sarnakatamsa, kollu patanacana, pampanacana ajjtascañ luräwinaca luratamsa. ¡Ay, Jerusalén! ¿Cunapachcamas uqhama k'añu sarnakäta?”

Joel 3:4

“Tiro, Sidón, uqhamaraqui Filisteo marcanaca, ¿cuns nayampejj lurañ munapjjta? ¿Phoksusiñti munapjjesta? ¿Cuna mancha cobrasiñ munapjjtajja? ¡Janc'aquiw cunatejj waquisqui uc churapjjäma!

Amós 1:9

Aqham siw Tatitojja: “Tiro marcanquir jakenacajj wali ñankhanacpuni lurapjje, ucasti janiw jan mutuyatäpcaspati; mä marcpacharu esclavot Edom marcaru aljantapjjatapata, cawquïr marcanacampitejj jilapurjam jacañatac arust'äwejj utjcäna ucaru jan phokhasa.

Mateo 11:22

Ucampis nayajj sapjjsmawa, taripäwi urunjja jumanacaw Tironquirit sipansa, Sidonanquirit sipansa jach'a mutuña catokapjjätajja.

Mateo 15:21

Jesusasti ucawjat mistusinjja, Tiro uqhamarac Sidón sat chekanacaruw sarjjäna.

Mateo 18:7

¡Cunja jan walisa acapachataquejj jakenacar juchar puriñanaca utjatapajja! Juchar puriñajj utjapuniniwa, ucampis ¡cunja jan walisa qhititejj juchar puriyqui ucataquejja!

Mateo 26:24

Jaken Yokapajj cunjämatejj Kellkatäqui uqhamarjamaw phokhasqui, ucampis ¡wali llaccañaw qhititejj Jaken Yokaparu catuntayqui ucataquejja! Walïsapänwa uca jaken jan naciñapajja —sasa.

Marcos 3:8

Uqhamaraquiw jutapjjäna Judeata, Jerusalenata, Idumeata, Jordán jawir qhurcatata, Tiro chekata, Sidón tokenacampita, Jesusan muspharcañ luräwinacap yatisina.

Marcos 6:45

Ucjjarusti Jesusajj discipulonacaparuw qhitanucüna botet maqhatapcañapataqui Betsaida marcaru. Ucchañcamasti jupajj jakenacaruw qhitanucjjaraquïna.

Marcos 7:24

Jesusasti ucat mistusinjja, Tiro uqhamarac Sidón tokenacaruw sarjjäna. Mä utaru purisinsti Jesusajj janiw qhitin yatiñaps muncänti, ucampis janiw jakenacatjja imantasiñjamäcänti.

Marcos 7:31

Jesusasti Tiro marcat mistjjasinjja Sidón chekwa pasawayäna, uqhamarac Decápolis oraken utjiri marcanac cheka. Ucatsti Galilea kota jac'aruw purïna.

Marcos 8:22

Betsaida marcar puripjjatapatsti ucanjja mä juyqhu jakeruw Jesusan ucar irpanipjjäna. Juparusti llamct'añapataquiw achict'asipjjaraquïna.

Lucas 4:26

Ucampis Diosajj janiw Eliasarojj take uca marcan utjiri ijma warminacarojj qhitcänti, jan ucasti Sareptan utjiri mä ijman ucaruquiw qhitäna, uca marcasti Sidón marca jac'anquiwa.

Lucas 6:17

Kollut Jesusajj sarakanïna arquirinacapamp chica, mä pamparuw puripjjäna. Ucansti walja jakeraquiw utjäna take Judeapachata, Jerusalenata, Tiro, Sidón ucsa thiyampita. Acanacasti Jesusar ist'iri, uqhamarac usunacapat kollatäñataquiw jutapjjatayna.

Lucas 9:10

Apostolonacapasti cuttanjjasinjja, cuntejj lurapcatayna uc Jesusarojj yatiyapjjäna. Ucjjarusti Jesusajj apostolonacapampejj mä wasar chekaruw sarapjjäna, Betsaida marca jac'aru.

Juan 1:44

Aca Felipesti Betsaida marcanquirïnwa, ucasti Andresampin Pedrompina marcaparaquïnwa.

Juan 12:21

Aca griegonacasti, Galilea Betsaidanquir Feliperuw jicjjatapjjäna, ucatsti achict'asipjjänwa: —Tata, Jesusaruw uñjañ munapjjta —sasa.

Hechos 12:20

Rey Herodesasti wali coleratänwa Tironquirinacataqui, uqhamaraqui Sidonanquirinacataquisa, ucampis jupanacajj mä amtañaniquiw reyin uc jutapjjäna. Jupanacasti Herodesan orakenacapan achquis ucanacampiw jacapjjäna. Janïra Herodesampi jiquiscasajja Blasto chachar sumachasinwa jupa tok sumancañ mayipjjäna. Blastosti rey Herodesan utapanjja mä jilïrïnwa.

Hechos 27:3

Khepürusti Sidón sat puertoruw puripjjta. Ucansti Julio capitanajj Pablorojj suma chuymampiw uñji. Pablorusti amigonacapan ucarus sarayaraquirïnwa, jupanacat cuna yanap mayiñapataquisa.

Judas 1:11

¡Ay cunancapcaquini! Cainan thaquip arquirinacajja Kollke jicjjatañ laycuw maysar saranucupjje, Balaamjama. Coré chachjamaw amuyasipjje, qhititejj juchapat jiwayatäcäna uqhama.

Apocalipsis 11:3

Nayasti pani testigojj qhitasinï nayjjat parlapjjañapataqui. Jupanacasti waranka pä pataca sojjta tuncani uruw parlapjjani, luto isimpi isthapita.”

Apocalipsis 6:12

Cunapachatejj Corderojj sojjtïri sello ch'iyjqui ucqhajja, uñjaractwa mä jach'a orak qhathati. Intisti luto isjamawa ch'iyart'awayjjäna, phajjsisa wilaraquiw tucuwayjjäna.