Lucas 8:28

Aymar Bibliia 1986

Jesusar uñjasinsti jupajj nayrakataparuw quillt'asi, arnakt'asisa: —¡Jesús, alajjpachanquir Diosan Yokapa!, ¿cuna lurañamas nayamp utji? Achict'assmaw janiy t'akhesiyistati —sasa.

Jak'a apnaqawi uñst'ayäwi

Isaías 27:1

Uca urunjja Tatitojj mutuyaniwa, ajjsarcaña, jach'a ch'amani espadapampi, Leviatanaru jaltiri catariru, Leviatanaru, k'ewinaktir catariru, jach'a kotanquir dragonarus jiwayaraquiniwa.

Mateo 8:29

Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa.

Lucas 8:27

Jesusajj wañar mistquipanwa marcanquir mä jakejj jupar jac'achasïna. Aca jakesti walja maranacaraquiw ñankha ajayunacan mantata sarnakäna. Janiw isimp uchasirïcänti, ni utansa jaquirïcänti, jan ucasti panteonanwa jacasirïna.

Lucas 8:29

Acsti sänwa Jesusajj uca ñankha ajayuru jupat mistjjañapatac arsutap laycu. Walja cutiraquiw uca ñankha ajayojj catuntatayna. Jakenacasti cadenanacampiw amparanacapa, uqhamarac cayunacapsa wal ñach'antapjjäna, ucampis jupajj ucjja t'akjaquïnwa. Uca ñankha ajayusti juparojj wasar chekanacaruw jaltayirïna.

Santiago 2:19

Jumajj iyawstawa mä sapa Diosan utjatapjja, ucsti walic lurasctajja, uqhamjja supayanacas iyawsasipcaraquiwa, ajjsarañatsa qhathatipjjaraquiwa.

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.