Lucas 8:13

Aymar Bibliia 1986

Kala taypiru jalantirïqui uca jathasti acawa: qhitinacatejj Diosan arupa ist'apqui, uqhamarac cusisiñamp catokapjje, ucampis janiw wali saphintatäquiti, mä kawkha pachataquiquiw iyawsapjje. Yant'anaca purinjjepanjja jithektjjapjjaquiwa.

Jak'a apnaqawi uñst'ayäwi

Job 19:28

“Cuna arunactejj parlapcta ucanac ist'asajja, ch'amajjajj pist'jjetuwa. Jumanacasti sapjjaractawa: “¿Cunjämaraqui arcnakascaquiñänisti? Jupan pachpa jan wali luratanacapaw juparojj apt'asqui” sasa.

Proverbios 12:12

Jan wali amtañanacasti ñankha jakenacan känapawa; asqui jakenacan luratanacapasti wiñayataquiwa.

Proverbios 12:3

Jan wali lurañajj janiw qhititaquis suma kalltäquiti, ucampis asqui jakenacajja asqui luratapampejja sumaw sayt'ani.

Isaías 58:2

Sapüruw thakapjjetu, sarnakäwinacajj jicjjatasasti c'uchiquïpjjewa, mä suma asquinac lurir marcäpcaspas uqhama, leyinacajjsa sumsa phokhapcaspa uqhama; cheka leyinacwa mayipjjetu, nayar jac'achasisinsti c'uchiquïpjjaraquiwa,

Ezequiel 33:32

Jupanacasti jumajj mä munasiña k'ochunaca k'ochurïcasmas uqhamacwa amuyapjjtamjja, suma k'ocht'irïcasmasa, arpsa sumsa toct'casma uqhama. Arunacam ist'asasa, ucampisa janiw uca arunacarjama sarnakapquiti.

Oseas 6:4

Tatitojj siwa: “¿Cunsa lurä jumampejj, Efraín? ¿Cunsa lurä jumampejj, Judá? Jumanacan munasiñanacamajj nayataquejj alba urpur uñtataquiwa, khantati sullar uñtataquiraquiwa, ucatsti mäquiraquiw chhaktawayjje.

Marcos 6:20

Herodesasti yatïnwa Juanan asqui jakëtapjja, ucat juparojj ajjsaräna. Uca laycupï Herodesajj Herodías warmin jan cuna lurañapsa muncäntejja. Cuntï Juanajj parlcän ucanacjja Herodesajj janiw sum amuycänti, ucampis take chuymampi wist'irïna.

Lucas 8:12

Thaquir jalaktiri jathasti acawa: qhitinacatejj Diosan arup ist'apqui, ucatsti Supayaw jutasinjj uca arunaca chuymanacapatjja apakjje jan iyawsapjjañapataqui, ni khespiyasipjjañapataquisa.

Lucas 8:14

Ch'aphinac taypir jalantirïqui ucasti acawa: qhitinacatejj aru ist'apjje ucampis sarnakäwinacaparjamajj sarasipcaqui ucawa. Ucatsti cunayman llaquisiñanacampi, kamir cancañampi, acapach cusist'añanacampiw chhaktayjje uqhamatwa jan sum achcjjapjjeti.

Juan 15:2

Cawquïri layminacajjatejj jan achqui ucanacarojj jupajj qhuchhuraraquiwa, ucampis cawquïri layminacatejj achqui ucanacarojj k'omacharaquiwa juc'ampi achuñapataqui.

Juan 15:6

Qhititejj jan nayampi mayaquïcchi ucajja, jaksutäniwa, ucatsti cunjämatejj mä waña layminacajj apthapita ninaru phichhantatäñataquejja uqhamäniwa.

Juan 5:35

Juanajj mä lamparjamaw jumanacataquejj khanäna, jumanacasti mä juc'a urunacasa cusisiñwa munapjjäyätajj uca khanapanjja.

1 Corintios 13:2

Diosat catokat arunactejj parliristjja, uqhamarac Diosan amtatanacapsa k'al yatirista, take cuns yatiraquirista, iyawsañajjas jach'araquïspa kollunac onjjtayañcamajja, ucat janiraqui munasiñanïquiristjja, janiw nayajj cunäctsa.

1 Corintios 15:2

Uca arunacaraquiw jumanacarojj khespiyapjjtam, parlapcsma uca arunactejj sum catjjäsipcäta ucapacha; jan uqhamäcchi ucasti, iyawsäwisajj inamayataquïspawa.

Gálatas 3:1

¡Cunja pisi chuymanïpjjtasa, jumanacajj Galacianquirinaca! ¿Qhitis jumanacarojj c'arintapjjtam chekpach Tatitun arunacaparu jan jaysapjjañamataquejja? Nanacajj yatichapcsma ucqhajja uñacht'ayapjjsmawa pachpa Jesucristo ch'accatataru.

Gálatas 3:4

¿Ucatak t'akhesitanacamajj inamayaquëjjeti? ¡Añchaquit mä cunataquis asquicaspa!

Efesios 3:17

Cristojj chuymanacaman iyawsañ toke jacañapataqui. Uqhamaraquiw mayta jumanacajj munasiñanjja ch'amanïpjjañamataqui suma saphintatjama,

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 2:7

Jumanacan jacañanacamasti jupan saphintatäñapawa, jupjjaru suma utt'atäpjjañamaraquiwa iyawsäwi laycu, cunjämatï yatichatäpcäyäta uqhama, Diosaru yuspagarasapuni.

1 Tesalonicenses 3:5

Ucatpï nayajj jan juc'amp suyaña munasina, qhitantjja cunjämas iyawsäwinjja sarnakasipcta uc yatiñataqui. Llaquisiscäyätwa: “Supayajj jan wali thaquiruch pantjayqui ucat nanacan luräwinacajjajj ina ch'usaruch tuccani” sasa.

1 Timoteo 1:19

Mayninacajj chuymanacapar jan ist'apjjatapatwa, iyawsäwinacapanjja aynacht'apjje.

Hebreos 10:39

Ucat sipan janiw jiwasanacajj khepar cutt'irinacäctanti, janiraquiw t'unjatäñan sarirïctansa, jan ucasti iyawsañaninacätanwa, uqhamatwa almasjja imasipjjtanjja.

Santiago 2:26

Cunjämatejj janchejj jan ajayumpejj jiwatajja, uqhamaraquiwa iyawsañajj jiwata, cunapachatejj jan suma luräwinacampi uñacht'ayasqui ucqhajja.

2 Pedro 2:20

Qhitinacatejj Tatit Jesucristo Khespiyiriru uñt'asin uca jan wali luräwinacat jaltanjjapjje, ucatsti khepatjja juchar cutt'asina jucha lurañanacampi atipjayasipjjaraqui ucanacajja, nayra jacañanacapat sipansa juc'ampi jan walëjjapjjewa.

2 Pedro 2:22

Ucampis ucanacampejj cunatejj sisqui ucaw phokhasisqui ucatsti siwa: “Anojj wak'sutaparuw cutjjatasjje, ucqha jarekat qhuchisti wasitatwa ñek'eru sunt'sjjaraqui” sasa.

1 Juan 2:19

Jupanacajj jiwasanaquirï taypitwa mistuwayapjje, ucampis chekpachansa janiw jiwasanacanquirïquiti; jiwasanacanquirïspa ucajja, mayaquïscasänwa. Ucampis uqhamaw lurasiwayi takenis jan jiwasanquirïtapa khanañchañataqui.

Judas 1:12

Acanacasti mä p'enkawa cunatejj jumanacajj munasiñanacamatjja suma fiestanac lurapjjta ucanjja, jupanacasti ucanjja jan ajjsart'asaw mank'apjje, uqhamarac umapjje, jupanacpacha awatirinacjamäpjjewa. Jan uman kenayjam thayan apatäpjjewa, uqhamarac horasaparus jan achun kokanacjamäpjjewa, pä cuti jiwata, uqhamarac saphitpacha jiq'inucutäpjjaraquiwa.