Lucas 7:8

Aymar Bibliia 1986

Naya quicparaquiw jilïrinacan munañapancaractsa, uqhamaraqui soldadonacas nayan apnakataraquiwa. Cunapachatejj jupanacat mayniru nayajj sistjja “Saram” sasajja, ucspachaw sari. Maynirutejj “Jutam” sistjja, ucspacharaquiw juti. Uywatajjarutejj cuna lurañarus qhitta ucqhajja, luraraquiwa —sasa.

Jak'a apnaqawi uñst'ayäwi

Lucas 7:7

Ucatwa jan naya quicpasa jumar jicjjatiri jutañarojj uchascti. Arsu mayac arsum, uywatajjasti c'umaräjjaniwa.

Lucas 7:9

Uc ist'asinsti Jesusajj wali muspharataw uca jaketjj uñjasïna, ucat jupar arquir jakenacaru uñtasinjja saraqui: —Chekpachansa, janiw israelitanac taypinsa aca jakjam wali iyawsañanjj jicjjatcti —sasa.

Hechos 23:17

Uc yatisinsti Pablojj mayni capitanaruw jawsi. Ucat saraqui: —Aca wayniturojj comandanten ucar irparapita. May yatiyañ muni —sasa.

Hechos 23:23

Comandantesti pä capitanaruw jawsayi. Ucatsti aqham sasaw arsu: Waquicht'ayam pä patac soldado cayuc sarañapataqui, pakallk tuncanisti caballota, uqhamarac pä patac soldadosti lanzancamaraqui. Jichha arumajj llätunca horasaruw Cesarea marcaru sarapjjani.

Hechos 23:26

“Naya Claudio Lisias, aruntansmaw Félix jach'a jilïr marca apnakeriru.

Hechos 23:31

Soldadonacasti uca aru catokasinjja Pablorojj arumpachaw irpjjapjje Antípatris sisquejja ucacama.

Hechos 24:23

Félix marca apnakeristi capitanarojj saraquïnwa: Pablojj presoquïscpan ucampis jan cuna mutuñsa catokcpati, uqhamarac jupar tumpirinacasa uñjt'ascaquiracpan yanapt'añataqui, sasa.

Hechos 25:26

Aca jakjjata emperador jilïrejjar kellkañataquejja, janiw cunjäma sañajjas utjquituti. Ucatpï jumanacan nayrakatanacamarojj irpsuyantjja. Taket sipansa rey Agripa, juman jisct'añamwa munta, uqhamat emperadorar cunjäma kellkañajjas utjañapataqui jupa toketa.

Colosenses 3:22

Esclavonacasti uywirinacamarojj ist'apjjaraquim aca orakenjja, janiw jupanacan uñjcataqui cunsa sum lurirjam tucupjjañamäquiti, jan ucasti take chuymaw Diosar ajjsartasa sirvipjjañamajja.