Lucas 7:22

Aymar Bibliia 1986

Uqhamasti Jesusajj jupanacarojj sänwa: —Sarapjjam, ucatsti cuntejj uñjapcta, ist'apcaracta ucanac Juanarojj khanañchapjjam. Yatiyapjjaraquim cunjämtï juyqhunacajj uñjapjje, cojonacas sarnakapqui, lepra usuninacas c'umaräjjapjje, okaranacas ist'apcaraqui, jiwatanacas jactayataraqui, uqhamarac pobrenacaruw khespiyasiñ arunacajj churasiscaraqui ucanaca.

Jak'a apnaqawi uñst'ayäwi

Job 29:15

¡Juyqhutaquisti nayaw nayräyätjja, cojotaquisa nayaw cayüscaraquïyätjja,

Salmos 146:8

Tatituw juyqhunacan nayranacap jist'ari, Tatituw tincur jakenacarojj wayti; Tatituw asqui jakenacarojj munasi;

Isaías 42:16

Juyqhunacarusti jan uñt'at thaquinacanjamwa irparaquëjja. Jupanacan nayrakatapansti ch'amacjja khanaruw tucuyäjja, kollunacsti pampa orakeruw tucuyaraquëjja. Take ucanacsti lurapunïwa.

Isaías 43:8

“Marcajjarojj jutayjjapjjam, nayranïcchisa juyqhuw tucu, jinchunïsquiwa, ucampis janiw ist'quiti.

Jeremías 31:8

Amsta tokenquir marcatsti cuttayanjjapjjämawa, aca orake thiyatpacharacwa jumanacarojj tantachjjapjjäma. Jupanacampi chicasti juyqhunaca, cojonacaraquiw cuttanjjapjjani, usuri warminacasti, cawquïrinacatejj wawachasjjapjje, ucanacas ¡waljanipuniw cuttanjjapjjani!

Sofonías 3:12

Nayasti jumanac taypirojja llamp'u chuymani, asqui jakenaca jaytawayä, cawquïrinacatï nayan sutejjaru iyawsapcani ucanaca.

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Mateo 21:14

Templonccän ucapachasti, cojonacamp juyqhunacampiw jutapjjäna. Jesusasti ucanacarojj c'umaraptayänwa.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Lucas 7:21

Puripcäna uca horasanracwa Jesusajj walja usutanacaru c'umaraptayäna, uqhamarac t'akhesiñanacata, ñankha ajayunacata khespiyäna. Walja juyqhunacaruw uñjayaraquïna.

Lucas 7:23

¡Cusisiñaniwa nayaru arcasina jan mayjt'asirejja! —sasa.

Juan 1:46

Natanaelasti ucjjarojj saraquïnwa: —Nazaret marcatjj ¿cuna sumarac mistuspa? —sasa. Felipesti saraquïnwa: —Jutam uñjiri —sasa.

Hechos 26:18

Jupanacan nayranacap jist'arañamataqui, jan juc'amp ch'amac thaquin sarnakapjjañapataqui. Janiraquiw juc'ampi supayan apnakatäcjjaniti, jan ucasti Diosaruw arcjjapjjani uqhamaraqui nayarus iyawsapjjetani. Uqhamatwa jupanacajj juchanacapat perdón catokapjjani, uqhamarac mä herencia catokapjjani Diosan ajllit jakenac taypina” sasa.

Hechos 8:7

Walja ñankha ajayun mantat jakenacaraquiw c'umaraptayatäpjjäna. Uca ñankha ajayunacasti wararisisaw jupanacatjja mistjjapjjaraquïna. Walja suchu jakenacampi, cojonacampiraquiw c'umaraptayatäpjjäna.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.