Lucas 6:25

Aymar Bibliia 1986

“¡Ay, camachapcaquïta jichha sist'atanaca, jumanacajj awtjayasipjjätawa! “¡Ay, camachapcaquïta jichha larusirinaca, jumanacajj jachapjjätawa!

Jak'a apnaqawi uñst'ayäwi

Salmos 49:19

mä uruw jiwañapajj purinini, janiw mayamps khan uñjcaniti.

Proverbios 14:13

Larusiñansa chuymajj ususcaquispawa, cusisiñasa llaquisiñaruquiw tucuyaspa.

Proverbios 30:9

Nayajj kamirëjjerista ucajja inas jumatjja armasjjerista: “¿Qhitirac Diosasti?” sasa; pobrërista ucasti inas lunthatasjjerista, uqhamat kollan sutimwa nayajj p'enkachayirista.

Eclesiastés 2:2

Ucatjja nayajj sistwa: “larusiñajja lokhe cancañawa, cusisiñanacasa janiw cuna asquïcaraquisa.”

Eclesiastés 7:3

Laruñata sipana jachañaw juc'amp asquejja, ajanurojj janis wal lurcchini, ucampis chuymarojj ascwa luri.

Eclesiastés 7:6

Pisi amuyt'anin larusitapajj cunjämatejj ch'aphinacajj ninan naqhantasajj t'akarquejja uqhamawa, ucasti inamayaquiraquiwa.

Isaías 28:7

Utjaraquiwa vinor arquirinacajja, jupanacasti vinotjamaw liwinaktapjje, wali umjayasir umañanac laycuraquiwa kheparus cuttapjje; sacerdotenacasa, profetanacasa vinotjamaw liwinaktapjje, umjayasir umañanacwa munapjje, vinompisti lokherapjjaraquiwa; uca umjayasir umañanacampiw pantjasipjje, visionanac uñjasasti liwinaktapjjewa, cuna queja uñjañataquisa machatäpjjaraquiwa.

Isaías 65:13

Ucatpï Tatitojj sejja: “Sirvirinacajjajj mank'añanïsipcaniwa, ucampis jumanacajj mank'at awtjatäpjjatawa; jupanacataquejj umañajj utjascaniwa, ucampis jumanacajj umat pharjataw sarnakapjjäta; jupanacajj cusisitäpjjaniwa, ucampis jumanacajj mä p'enka jisc'achjataw uñjasipjjäta;

Isaías 8:21

“Jakesti ucsa acsa sararaquini, t'akhesiyata, mank'atsa awtjataraqui, mank'atjamasti wali coleratäpjjaraquiniwa. Diosanacaparus reyirus ñankhachapjjaniwa. Alajjpach uñtapjjaraquini,

Amós 8:10

Fiestanacamjja jiwatanacat jachañaruw tucuyäjja, k'ochutanacamasti, imäwi llaquinacaruraquiw tucuyäjja; llaqui isimpiraquiw ist'ayäjja, ñic'utanacapsti llaquisiñatsa mururasipjjaraquiniwa. Jachapjjaraquiniwa mä sapa yokall wawapas jiwatäcaspa uqhama, take cunaw c'allc'u tucunejja.

Nahúm 1:10

Q'ithuntat ch'aphinacjama, uqhamarac waña jichhur uñtata k'ala naqhantatäpjjätawa.

Lucas 12:20

Diosasti juparojj siwa: “Pisi amuyt'an jake, jichha arumpachaw jiwjjäta; cuntejj imasiscta ucasti ¿qhititaquiraquïni? —sasa.

Lucas 13:28

Ucanwa wararipjjäta, laca ch'aqhanacamsa t'urusipjjaraquïta, Abrahamampi, Isaacampi, Jacobompi, uqhamarac take profetanacampi Diosan reinopancatapa uñjasina, jumanacasti ankaru jakonucutäpjjatamataraqui.

Lucas 6:24

“Ucampisa ¡ay, camachapcaquïta jumanaca kamirinaca, cusisiñanacamjja catokjjapjjtawa!

Lucas 6:26

“¡Ay, camachapcaquïta jumanaca, cunapachatï takenis jumanacata “Waliquiw” sapcani ucapacha! Uqhamaracwa awquinacapajj c'ari profetanacarojj lurapjjerïna.

Lucas 8:53

Jakesti jupatjja larusipjjänwa jiwatapunïtap yatisinjja.

Efesios 5:4

Jan mä p'enka arunacjja parlapjjamti, ni lokhe arunacsa, ni ina ch'usa sawcasiñ arunacsa. Aca casta arunacajj janiw waquisquit arsuñajja, jan ucasti, Diosaruw yuspagarañasajja.

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.

Santiago 4:9

Llacthapisipjjam, jachapjjam, wararipjjaraquim. Larutanacamjja jachañarquipstayapjjam, cusisiñanacamsti llaquisiñaru cutiquipstayapjjaraquim.

Apocalipsis 3:17

Ucampis jumajj: Kamirïtwa sistawa, waliquïsctwa, take cunan phokt'atätwa saractawa; janiraquiw amuyasctati mä aynacht'ata jan cunanïscatamjja, juyqhuraquïtawa uqhamarus k'alalaraquïtawa.

1 Samuel 2:5

Qhitinacantejj take cunasa jilarcäna ucanacajj jichhajj mä jisc'a t'ant'a laycuquiw catuyasjjapjje; ucampisa, qhitinacatejj mank'at awtjayasipcäna ucanacasti janiw jichhajj awtjayascjjapjjeti. Jan wawachasir warmisa, jichhajj pakallko cutiw wawachasjje; ucampisa walja wawachasir warmisti, jichhajj k'ala t'uqhantatawa.