Lucas 5:37

Aymar Bibliia 1986

Janiraquiw qhiti jakes machak vinjja mä merk'e lip'ichit lurat vino wayakarojj warantcaspati. Uqham luraspa ucajja, chhuyu vinojj merk'e lip'ichit lurata wayakarojj phallayaspawa, ucatsti vinojj inamayaruw tucusispa.

Jak'a apnaqawi uñst'ayäwi

Salmos 119:83

Nayajj armanucut jan yäkcañ ch'ama karitäctsa, janiw leyinacamat armascti.

Mateo 9:17

Janiraquiw chhuyu vinos merk'e lip'ich bolsarojj uchasquiti. Uqhamäspa ucajja uca merk'e lip'ichi bolsajja ch'iyjtaspawa, ucatsti ina ch'usaruw wartasispan takpacha vinojja. Ucatwa waquisi mä chhuyu vinojja machak lip'ichi bolsaru uchatäñapa, uqhamatacwa paypacha suma imatäspa —sasa.

Lucas 5:36

Uqhamaraquiw aca amuyt'äwimp churi: —Janiw qhitis mä merk'e isirojj machak pañompejj remjjatcaspati, uqham lurani ucajj antisaquiw machak isirojj ch'iyjjani, ucampis jan wal uñnakayaspajja uqham mä merk'e isir mä machak pañompi remjjataspa ucqhajja.

Lucas 5:38

Ucatwa chhuyu vinojj machak lip'ichit lurat wayakar imañajj waquisi, paypach suma imatäñapataqui.

Josué 9:13

uqhamaraqui uñjapjjam aca lip'ichi wayakanaca, wali machakäsipcänwa cunapachatï vino uscunipcta ucqhajja, jichhasti liju thanthawa; wisqhunacajjas, isinacajjas sartanipcta ucqhajj machakäsipcänwa, jichhasti k'ala thanthawa wali jayat jutapjjatajj laycu —sasa.

Josué 9:4

jupanacajj Israel marcaru mä sallka lurañ amtapjjäna. Ucatwa gabaonit jakenacajj asnonacaparu thantha costalanac, uqhamaraqui lip'ichit lurat vino imañ thantha wayakanaca, take cunsa thanthacamaqui apjjarusinisaw jutapjjäna,