Lucas 4:9

Aymar Bibliia 1986

Ucatsti Jesusarojj Jerusalén marcaruw irpi, ucansti templo pataruw irpsu, ucat saraqui: —Diosan Yokapästajja, acat pampar jalaktam;

Jak'a apnaqawi uñst'ayäwi

2 Crónicas 3:4

Templo nayräjjapana mantañäwjasti largorojja llätunca metronïnwa, uqhamarac anchorojja templo pachpa anchoraqui, ucatsti altorojja llätunca metroniraquïnwa. Salomonasti uca mantañäwjja korimpcamaquiwa lip'suyäna mankhëjjata,

Job 2:6

Ucat Diosasti Supayarojj saraquïnwa: —Waliquiwa, jichhasti jupampejj jumajja cunjämtejj muncta uqhamaru luram, ucampis jacañapaqui jan apakamti —sasa.

Mateo 8:29

Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa.

Lucas 4:10

Kellkatanjja saraquiwa: “Diosajj angelanacaparuw jumar uñjir qhitanini.

Lucas 4:3

Uqhamäsquiriruw Supayajj jupar saraqui: —Jumatejj Diosan Yokapästajja, aca kalanacarojj t'ant'ar tucuyam —sasa.

Romanos 1:4

ucampis Kollan Ajayun phokt'atätap laycojja, Diosan Yokapa, munañaniraqui uñacht'ayatawa, jiwatanac taypit jactatap laycu.