Lucas 4:28

Aymar Bibliia 1986

Sinagoganquirinacasti takeniw acanac ist'asinjja wal colerasipjje.

Jak'a apnaqawi uñst'ayäwi

2 Crónicas 16:10

Ucatsti Asajj walpunwa profeta tokjja colerasïna, ucatjja carcelaruwa uchantayäna. Uqhamaraquiwa uca urunacanjja marcanquiri yakhepanacarojja sinti ñankhanac luraraquïna.

Jeremías 38:6

Uqhamasti jupanacajj Jeremiasaru catuntasinjja, Malquías sata jilïrin phuch'uparuw jakontapjjäna, cawquïritï guardianacan patiopanccäna ucaru. Wisqhanacanjamwa warcuntapjjäna, uca phuch'unsti janiw umajj utjcänti jan ucasti ñek'equiwutjänjja, Jeremiasasti uca ñek'eruw jalantjjaraquïnjja.

Mateo 2:16

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Lucas 4:27

Israel marcanjja uqhamaraquiw Eliseon urunacapanjja walja lepra usuni jakenacaw utjaraquïna. Ucampis janiraquiw jupanacatjja maynis lepra usunacapatjja kollatäpcänti, jan ucasti Serianquiri Naamán sat chachaquiw kollatänjja.

Lucas 4:29

Sartasinsti Jesusarojj marcat ankäjjaruw alissupjjäna, ucatsti cawqharu sayt'atäcäntï uca marcajja, uca kollu pataruw irpsupjjäna, ucqhat Jesusar nuct'añataqui.

Lucas 6:11

Jakenacasti wal colerasipjjäna, ucat jupanaccamaw jisct'asipjjäna: ¿Camachsnas aca Jesusarojja?, sasa.

Hechos 5:33

Uc ist'asinjja, jilïrinacajj wal colerasipjjäna. Apostolonacarusti jiwayañwa munapjjaraquïna.

Hechos 7:54

Cunapachatejj jilïrinacajj uca arunac ist'apcän ucqhajja, jupanacajj colerasipjjänwa Esteban contrajja, laca ch'aqhanacapsa t'urusipjjaraquïnwa.