Lucas 3:8

Aymar Bibliia 1986

Sum sarnakapjjam, jumanacan arrepientisitanacamjja khanpacha uñacht'ayapjjañamataqui. Ucatsti janirac jumanaccamajj sapjjamti: “Nanacajj Abrahaman wawanacapäpjjtwa” sasa. Sapjjaracsmawa, Diosajj aca kalanacatsa Abrahaman wawanacapjja sartayaquispawa.

Jak'a apnaqawi uñst'ayäwi

Nehemías 5:11

Jichhasti achict'apjjaracsmawa jichpacha cutt'ayjjapjjam orakenacapa, uva yapunacapa, olivo yapunacapa, utanacapsa, ucatsti kollke, grano, vino jan ucajj aceite manutjja jan pagayascjjapjjamti —sasa.

Ezequiel 33:24

“Cawquïri jakenacatejj Israel marcan t'unjata marcanacapan jacapqui ucanacasti, aqham sasaw sarnakapjje: ‘Abraham chachajj sapaquïnwa, ucampisa jupajj take aca orakwa catuntasïnjja; jiwasasti waljanïtanwa, ucatsti jan ch'ama tucusaquiw aca orakjja catuntasiñäni’ sasa.

Mateo 21:43

“Ucatpï sapjjsmajja, jumanacatjja Diosan reinopajj apakatäniwa, churasiraquiniw qhitinacatejj horasapar achunac churquis ucanacaru.

Mateo 3:8

Jichhasti jumanacajj sumay sarnakapjjam, arrepientisipjjatamatsti asqui luräwinac uñacht'ayapjjaraquim.

Mateo 3:9

Janiraqui jumanacajj “Abrahaman wawanacapäpjjtwa' sapjjamti, Diosasti aca kalanacatsa Abrahaman wawanacapjj sartayaspawa.

Lucas 13:25

Utanisti sartasin punc jist'antipanjja, jumanaca ankanquirinacajj punc lekt'apjjäta: “Tata, jist'art'apjjeta” sasa. Ucampis jupajj sapjjätamwa: “Janiw uñt'apcsmati cawquinquirïsipcstajja” sasa.

Lucas 13:26

Ucapachaw jumanacajj sañ kalltapjjäta: “Jumamp chicaw mank'apjjta, umapjjaracta, jumasti marcanacajjana yatichtajja” sasa.

Lucas 14:9

ucat uca jawsirejj jutasin siristam: “Konuñam aca maynir churam” sasa. Ucatsti mä p'enkaw khepa konuñar kont'asir sarasma.

Lucas 19:40

Jesusajj jupanacarojj saraquïnwa: —Sapjjsmawa, acanacatejj amuct'apjjanejja, kalanacaw art'apjjani —sasa.

Lucas 19:9

Jesusasti saraquïnwa: —Jichhüruw khespiyasiñajj aca utar purini, aca jakesti Abrahaman wawanacapat jutiriraquiwa.

Lucas 5:21

Ucapachasti ley yatichirinacampi, fariseonacampejj aqham sasaw lup'ipjjäna: “¿Qhitirac aca jakesti uqham parlañataquisti? Dios contraw jan wal arsu, janiw qhitisa juchanacjja perdoncaspati, jan ucasti Diosaquiw perdonaspajja” sasa.

Juan 8:33

Jupanacasti sapjjaraquïnwa: —Nanacajj Abrahaman wawanacapäpjjtwa, janiw cunapachas esclavöpjjerïcti. ¿Cunjämsa jumajj arsta: “Khespiyatäjjapjjätawa” sasa?

Juan 8:39

Jupanacajj sapjjaraquïnwa: —Nanacan awquejjajj Abrahamawa —sasa. Jesusasti jupanacarojj sänwa: —Jumanacatejj chekpachansa Abrahaman wawanacapäpjjasmajja, lurapjjasmawa cuntejj jupajj lurcäna uca.

Hechos 26:20

Ucatsti, Damasconquirinacaruw nayrakat Tatitun arunacap yatiyta. Ucjjarusti yatiyaractwa Jerusalén marcanquirinacaru, Judea tokenquirinacaru, uqhamarac jan judiöpquis ucanacarusa. Nayajj jupanacarojj sistwa: “Jan wali luräwinacamat arrepientisisin Diosar cutiquipstapjjam. Ucatsti asqui luräwinacarac lurapjjam, arrepientisipjjatam uñacht'ayasa” sasa.

Romanos 4:16

Abrahamar arsutäcäna wawanacapataquisa ucajja, iyawsäw tokew phokhasiñapäna mä wajjt'asïwjama catokañataqui. Ucasti janiw leyirjam sarnakerinacataquïquiti, jan ucasti Abrahamjam iyawsirinacataquiraquiwa. Ucatwa jupajj take jiwasanacan awquisajja.

Romanos 9:7

Janiraquiwa take qhitinacatejj Abraham awquisat jutquis ucanacajj jupan wawapapunïpquiti, jan ucasti Diosaw jupanacarojj satayna: “Isaacat wawanacamajj sartani” sasa.

Filipenses 1:11

Uqhamwa jacañanacamanjja mä suma cosech apthapiñäcaspas uqhama, Tatit Jesucristor yuspagarasina Diosar jach'añchañataqui.