Lucas 3:7

Aymar Bibliia 1986

Cunapachatï jakenacajj Juanampi bautisayasiri mistunipcän ucqhajja, Juanajj jupanacarojj sänwa: —¡Catari casta jan wali jakenaca! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Jak'a apnaqawi uñst'ayäwi

Génesis 3:15

Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

Isaías 59:5

Catari c'awnanacjjaruw wallpar uñtat jipipjje, cusicusir uñtataraquiw simpanacapjja sawupjje; uca c'awnanac mank'eristi jiwaraquiwa, maynitejj uca c'awna phallaychejja, ucatjja venenoni catarinacaw misturaqui.

Mateo 12:34

¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.

Mateo 23:33

“¡Jumanacajj catari casta jan wali jakenacäpjjtawa! ¿Cunjämrac jumanacasti uca infierno mutuyäwitsti jaltapjjätasti?

Mateo 3:6

Jupanacan juchanacapat arsusitapatsti, Juanajj Jordán jawiranwa jupanacar bautisäna.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Hechos 13:10

Ucatsti saraquïnwa: —¡Take sallkjañampi, jan walimpi, phokhantat supayan wawapa, cheka cancañ uñisiriraqui! ¿Cunats jumajj Tatitun suma cheka thaquip k'ewinucuñ munta?

1 Tesalonicenses 1:10

Uqhamaraquiw parlapjje jumanacatjja cunjämtejj Jesusar alajjpachat cutt'aniñap suyapcta ucsa, cawquïrirutejj Diosajj jiwatanac taypit jactaycänjja ucaru. Jupaw ajjsarcañ mutuña jutqui ucatjja khespiyistu.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.