Lucas 22:70

Aymar Bibliia 1986

Ucspachaw takeni jisct'apjjäna: —¿Uqhamasti jumajj Diosan Yokapätati? —sasa. Jesusasti jupanacarojj sänwa: —Jïsa, jumanacpachaw sasipctajja —sasa.

Jak'a apnaqawi uñst'ayäwi

Salmos 2:7

Tatitun arsutap yatiyä: Jupajj situwa: “Jumaw nayan wawajjätajja: jichhüruw jumarojj jacañ chursma;

Mateo 26:25

Qhititejj aljantcani uca Judasajj aqham saraquïnwa: —Yatichiri, ¿nayätti ucajja? —sasa. Jesusasti juparojj sänwa: —Jïsa, jumätawa —sasa.

Mateo 26:64

Jesusasti saraquïnwa: —Jïsa nayätwa, cunjämtejj jumajj sisctas ucajja. Sapjjaracsmawa, uñjapjjaraquïtawa Jaken Yokaparojj ch'aman Diosan cupëjjapan kont'atäsquiri, uqhamarac alajjpachat kenayjjan sarakasinquiri.

Mateo 27:11

Jesusajj marca apnakerin nayrakatapar irpatänwa. Marca apnakeristi jisct'araquïnwa: —¿Jumätati judionacan reyipajja? —sasa. Jesusasti saraquïnwa: —Uqhamawa, jumaw sistajja —sasa.

Mateo 27:43

Niyaquitejj Diosar wal catuyaschejja, jichhajj Diosajj juparojj khespiypanaya, juparojj chekapun munchi ucajja. Jupasti: “Diosan Yokapätwa” saraquisä —sasa.

Mateo 27:54

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Mateo 3:17

Alajjpachatsti ist'asiraquïnwa mä aru aqham siri: “Acawa munat Wawajjajja, cawquïrirutejj nayajj ajllista ucajja” sasa.

Mateo 4:3

Supayasti ucapachajj jac'achasiraquïnwa Jesusar yant'añataqui, aqham sasa: —Jumatejj Diosan yokapästa ucajja, aca kalanacarojj t'ant'ar tucuyam —sasa.

Marcos 14:62

Jesusasti sänwa: —Jïsa, nayätwa. Jumanacajj Jaken Yokaparojj uñjapjjätawa, jach'a ch'aman Diosan cupëjjapan kont'ata, ucatsti alajjpach kenay taypin jutasquiri —sasa.

Marcos 15:2

Pilatosti Jesusarojj jisct'änwa: —¿Chekat jumajj judionacan reyipätajja? —sasa. Jesusasti ucjjarojj sänwa: —Jïsa, uqhampunïsquiwa, jumaw sasctajja —sasa.

Lucas 22:71

Ucapachaw jupanacajj sapjjäna: —¿Cunat juc'amp testigsa jichhajj muntanjja? Jiwas pachpaw quicpa lacapat ist'tanjja —sasa.

Lucas 23:3

Ucatwa Pilatojj juparu jisct'äna: —¿Jumätati judionacan reyipajja? —sasa. Jesusasti sänwa: —Cunjämtejj sisctajja, uqhamawa —sasa.

Lucas 4:41

Walja usutanacataracwa ñankha ajayunacajj mistjjapjjäna aqham arnakt'asisa: —¡Jumajj Diosan Yokapätawa! —sasa. Ucampis Jesusajj tokenokänwa uca ñankha ajayunacarojja. Uqhamasti janiw jupanacarojj arsuycänti, jupanacajj jupan Cristötapa yatipjjatap laycu.

Juan 1:34

Nayaw uñjta, nayaraquiw testigötjja, jupajj Diosan wawapätapa” sasa.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 10:30

Awquimpi nayampejja mayaquïpjjtwa —sasa.

Juan 10:36

Dios pachpaw nayarojj yakhachasitu, qhitaniraquitu acapacharojja. ¿Cunats jumanacajj: “Diosjjat parli” sapjjta, “Diosan Yokapätwa” satajjatacti?

Juan 18:37

Pilatojj ucjjarojj sänwa: —¿Uqhamajj jumajj Reyïtati? —sasa. Jesusasti sänwa: —Reyïtwa nayajja, cunjämtï jumajj siscta uqhama. Nayajj ucataquiw nasta, acapacharusti juttwa cunatejj chekäqui uc yatiyiri. Take qhitinacatejj chekan sarnakapqui ucanacajja, ist'apjjewa nayajj cuntejj siscta uca —sasa.

Juan 19:7

Ucampis judionacajj sapjjaraquïnwa: —Nanacajj mä leyinïpjjtwa. Nanacan leyinacajjarjamajja jiwañapawa Diosan Yokapa tucutap laycu —sasa.