Lucas 22:53

Aymar Bibliia 1986

Cunapachatï nayajj sapürus templona jumanacampïscäyäta ucqhajja, janiw catuntapquistati, ucampis jichhajj horasanacamawa, cunapachatï ch'amacajj munañanïqui uca horasawa —sasa.

Jak'a apnaqawi uñst'ayäwi

Job 20:5

ñankha jaken cusisiñapajj juc'ataquiquiwa, uca cusist'añapasti mä juc'ataquiquiraquiwa.

Mateo 21:23

Ucapachajj Jesusajj temploruw mantäna. Ucan yatichasquipansti, sacerdotenacan jilïripampi, judionacan jilïrinacapampiw jupar jac'achasisin jisct'äpjjäna: —¿Cuna munañanïtas jumajj aqham lurañataquejja? ¿Qhitis uc luram sistam? —sasa.

Lucas 22:52

Ucjjarojj saraquiwa sacerdotenacan jilïrinacaparu, templo uñjir soldadonacaru, jilïri jakenacampiru, qhitinacatejj jupar catuyir jutapcatayna ucanacaru: —¿Jumanacajj espadampi, lawampiti mistunipjjta, nayajj lunthatäquiristsa uqhama?

Lucas 22:54

Ucapachaw Jesusarojj preso catuntapjjäna, ucat sacerdotenacan jilïripan utaparuw irpapjjäna. Pedrosti jayatac arcascäna.

Juan 12:27

Jichhajj wali llact'atätwa; ¿camsäsa? ¿“Awqui, khespiyita cunatejj jichhajj pasquitani ucat” säti? Uqhamäñapataquipuniw nayajj jutta.

Juan 13:30

Judasasti t'ant'a mank'antasinjja, mistuwayjjänwa, niya arumäjjaraquïnwa.

Juan 14:30

“Janiw jumanacampi juc'ampi parlcjjäti, acapacha apnakqui ucasti niya jutiwa. Ucampis janiw cuna ch'amanïquisa nayataquejja.

Juan 7:30

Ucatsti preso apañ munapjjäna, ucampis janiw qhitis catuntañ yant'cänti horasapajj janïr purincatap laycu.

Juan 7:45

Templo uñjirinacajj cutt'awayjjapjjänwa fariseonacan ucaru, ucatsti sacerdotenacan jilïrinacapajja, uqhamarac fariseonacasa jisct'apjjänwa: —¿Cunatsa jan irpanipjjta? —sasa.

Hechos 26:18

Jupanacan nayranacap jist'arañamataqui, jan juc'amp ch'amac thaquin sarnakapjjañapataqui. Janiraquiw juc'ampi supayan apnakatäcjjaniti, jan ucasti Diosaruw arcjjapjjani uqhamaraqui nayarus iyawsapjjetani. Uqhamatwa jupanacajj juchanacapat perdón catokapjjani, uqhamarac mä herencia catokapjjani Diosan ajllit jakenac taypina” sasa.

Efesios 6:12

Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja.

Colosenses 1:13

Diosaw jiwasarojj ch'amacanacan munañapat khespiyanistu, Jesucristo Yokapan apnakatäñataquiw uchasiraquistu.