Lucas 21:12

Aymar Bibliia 1986

“Ucampis take acanac nayrakatasti, catuntapjjätamwa jumanacarojja uqhamaraqui t'akhesiyañataquiw arcnakapjjaraquïtam. Sinagoganacaruw taripatäñatac apapjjätam, carcelaruw apantayapjjätam, uqhamarac reyinaca, marca apnakerinacan nayrakataparuw apapjjätam sutejj laycu.

Jak'a apnaqawi uñst'ayäwi

Mateo 22:6

Mayninacasti uca uywatanacarojj catuntasinjja jiwayañcamaw nuwjapjjäna.

Mateo 24:8

Take acanacasti jach'a t'akhesiñan kalltapaquïsquiwa.

Lucas 21:11

Utjaniwa jach'a orak qhathatinaca, mank'at awtjayasiñanaca, uqhamarac usunaca take chekana; alajjpachansti sustjascañanacampi uqhamarac jach'a unañchanacampiw uñjasini.

Juan 15:20

Amtasipjjam cuntejj sapjjäyäsmajja: “Janiw qhiti uywatas uywiripat sipanjja juc'ampïquiti” sasa. Nayarojj uñisipjjetuwa, jumanacarojj uñisipjjaraquïtamwa; yatichäwinacajjtejj imapjjchejja, jumanacan yatichäwinacamjja imapjjaraquiniwa.

Juan 15:21

Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.

Hechos 22:30

Comandantesti khepürojj cadenanac Pablot jararayasinjja jilïr sacerdotenacaruw tantachasiñapatac jawsayi, uqhamarac yakha jach'a jilïrinacarusa. Jupasti yatiñpun munäna, cunattï judionacajj Pablorojj juchañchapcän uca. Tantacht'asipjjëpansti Pablorojj jupanac nayrakataruw irpayäna.

Hechos 5:40

Uca arunacarusti takeniw jaysapjje. Ucatsti apostolonacar jawsayasinjja ewjjt'apjjewa, jan juc'amp Jesusjjat parlapjjañapataqui. Jawk'jayasinsti, antutnucjjapjjaraquïnwa.

Hechos 8:3

Saulosti ucapachajj iyawsirinacarojj wali t'akhesiyasaw arcnakäna utat uta thakasa. Utanacar mantasinsti, chachanac warminacsa catuntasinjja carcelaruw apjjaruyäna.

Hechos 9:4

Ucspachaw Saulojj oraker jaknoktäna. Ucatsti ist'araquïnwa mä aru jupar sasquiri: —Saulo, Saulo, ¿cunats arcnakesta? —sasa.

1 Pedro 2:13

Tatit laycusti jakenacan uscutäqui take uca autoridadanacarojj jaysapjjam, reyirusa, jilïritap laycu,

Apocalipsis 2:10

Cuna t'akhesiñanacatï jumjjaru jutcani ucanacatjja jan ajjsaramti. Supayasti jumanacat mä yakhepanacarojj carcelaruw apayani, take jumanacasti wali yant'atäpjjaraquïtawa. Tunca ururaquiw t'akhesipjjäta. Ucampis jiwañcamatejj arcascaquïta ucapachasti, nayasti jacañ corona churäma.