Lucas 2:46

Aymar Bibliia 1986

Ucatsti quimsür pasatatwa juparojj templon ley yatichirinac taypin kont'atäsquiri jicjjatapjjäna, jupanacaru ist'asquiri uqhamarac jisct'asquiri.

Jak'a apnaqawi uñst'ayäwi

1 Reyes 12:12

Quimsïri urutjja cutt'anipjjänwa Jeroboam chachajj take jakenacampi chica Roboam reyir uñstiri, cunjämatï siscatayna uqhamaru.

1 Reyes 12:5

Roboam chachasti jupanacarojj sänwa —Sarjjapjjam, ucatsti quimsa uruta cutt'unipjjam nayar uñjiri —sasa. Jakenacasti sarjjapjjänwa.

Isaías 50:4

Tatitojj yatichituwa karitanacaru suma arunacampi chuymachañajjataqui. Sapa khantatiw nayarojj sum kont'ayitu, uqhamat suma ist'añajjataqui.

Mateo 12:40

Cunjämtejj Jonasajj mä jach'a chawllan puracapancän quimsürumpi quimsa arumampejja, uca quicparaquiw Jaken Yokapajj quimsürumpi quimsa arumampi orak mankhancani.

Mateo 16:21

Ucapachatpachwa Jesusajj discipulonacaparojj khanañchañ kalltäna jupan jiwäwipjjata. Saraquïnwa: —Jerusalenar sarañajjaw wact'itu, ucansti chuymani jilïrinacajj, uqhamarac sacerdotenacan jilïrinacapampi, ley yatichirinacampejj wal t'akhesiyapjjetani. Ucatsti jiwayapjjaraquitaniwa, ucampis quimsüru jiwatatsti jactawayjjäwa —sasa.

Lucas 2:47

Take jupar ist'irinacasti walpun muspharasipjjäna jupan yatiñapatjja uqhamarac jisct'anacar arusjjatatapatsa.

Lucas 5:17

Mä urojj Jesusajj yatichascänwa. Ucanjja fariseonacamp, ley yatichirinacampiw kont'atäsipcäna; ucanacasti Galileata, Judeata, Jerusalenampita jutapjjatayna. Diosan ch'amapasti Jesusampïnwa usutanac c'umaraptayañataquejja.

Juan 3:10

Jesusasti juparojj saraquïnwa: —¿Jumajj Israel marcan jach'a yatichiripästajjaya, janit acjj yatcta?

Hechos 5:34

Ucampisa, jilïrinac taypinjja mä fariseo chachaw utjäna, Gamaliel sutini. Jupasti ley yatichiriraquïnwa, jakenacampisti wali yäkataraquïnwa. Jupasti sayt'asisinjja, apostolonacarojj ankaruw irpsuyi mä juc'a ratotaqui.

1 Timoteo 1:7

Diosan leyinacap yatichiriw tucupjje, ucampis cuntejj jupanacpacha yatichapqui ucsa janiw amuyt'apquiti, janiraquiw phokhapquisa.