Lucas 2:21

Aymar Bibliia 1986

Quimsakallko uru sarakatarusti wawarojj circuncidapjjänwa, ucatsti JESÚS sasaw sutichapjjäna, cunjämtï angelajj Mariarojj siscatayna, janïra usurïcän uca nayräjja, uqhamarjama.

Jak'a apnaqawi uñst'ayäwi

Génesis 17:12

Jichhat ucsarojja take yokall wawaw circuncidatäñapa, nacitapat quimsakallko ururu, uqhamarac utaman nasqui kollkempi jaya jaket alascta ucan wawapasa.

Levítico 12:3

Uca yokall wawasti quimsakallko urururaquiw chhojjorasiñapan lip'ichipajj qharekatäjjani, ucampisa taycajj quimsa tunca quimsani urunacampiw k'omachasiraquini wila jutatapatjja. Cunanacatejj Tatitur loktatäqui ucanacsti janipuniw llamct'caniti, janiraquiw Tatitumpi Jiquisiñ Carparus mantcaraquiniti, k'omachasiña urunacapan phokhasiñapcamajja.

Mateo 1:21

Mariajj mä yokall wawa wawachasini, JESÚS sasaw suticharaquïta, juparaquiw marcaparojj juchapat khespiyani” sasa.

Mateo 1:25

Ucampis janiw wawanïñapcamajj chacha warmjam jacapcänti. Wawarusti JESÚS sasaw suticharaquïna.

Mateo 3:15

Jesusasti ucjjarojj saraquïnwa: —Jichhajj uqhamaquïpsama, waquisiw Diosan munañap phokhañasajja —sasa. Ucatwa Juanajj Jesusar bautisäna.

Lucas 1:31

Jichhajj usur jakeptätawa, ucatsti mä yokall waw wawachasïta; juparusti JESÚS sasaw sutichäta.

Lucas 1:59

Quimsakallko uru sarakatarusti, wawar circuncidiriw sarapjjäna, ucatsti awquipan sutipampiw uca wawarojj sutichañ munapjjäna —Zacariasäpan —sasa.

Filipenses 2:8

Cunapachatejj jaker tucutäjjän ucqhajja, jupa quipcaw jisc'ar tucuwayi, jaysatap laycusti crusan jiwañcamaraquiw puriwayi, uqham jiwañajj sinti p'enkäcchïna ucasa.