Lucas 19:8

Aymar Bibliia 1986

Ucapachaw Zaqueojj sayt'asi, ucat Tatituru saraqui: —Uñtam tata, take cunatejj utjquitu ucatjja pobrenacaruw chicat churjjä; maynirutejj lunthatsta ucarojja, pusi ucqhampiw cuttayjjä —sasa.

Jak'a apnaqawi uñst'ayäwi

2 Samuel 12:6

¡Uca jisc'a oveja jiwayatapatsti pusi ucqhampi cuttayjjañapawa, jan acch'as qhuyapt'ayasiñapajj utjatap laycu! —sasaw Davidajj säna.

Salmos 41:1

Jan cunan jakempiru, pisi ch'aman jakempir uñjirejj cusisiñan jakewa, Tatituw jan walt'añ urunacan juparojj khespiyani.

Éxodo 20:16

“Janiw jake masima contrajja cuna c'ari arunacsa parlätati.

Proverbios 6:31

ucampisa lunthatasquirtejj catjatäni ucapachasti, pakallko ucqhampwa lunthatasitapat cutt'ayani, uqhamarac cunatejj jupan utjqui take ucanacwa churjjaraquini.

Ezequiel 33:15

cuntejj prendata catcäna ucsa cuttayjjaraquini, jan ucajj cuntejj lunthatcatayna ucsa cuttayjjaraquini, cuna leyinacatejj jacaña churqui ucanaca phokharaquini, ñankha lurañanacapsa apanucuraquini, uca jakejj chekpachaw jacani, janiw jiwcaraquiniti.

Números 5:7

uca jakesti juchanacapjja arsusiñapawa, uqhamarac cawquïri jakerutejj uca jan wali lurqui ucarojj takpachwa cuttayañapa, ucjjarusti chicatan chicatapat mä juc'a menost'ata yapjjatañaparaquiwa.

Lucas 11:41

Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

Lucas 12:33

Cunatejj utjapctam ucjja aljapjjam, ucatsti qhititejj jan cunanïpqui ucanacar churjjapjjam; uqhamat jan merk'esir bolsanac lurasipjjäta, alajjpachansti jan tucusquir yänacaraqui imasipjjäta, ucansti lunthatas janiw apscaniti janiw qharus qharuntcaraquiniti.

Lucas 16:9

“Nayajj sapjjsmawa, aca jucharar oraken yänacapjj apnakapjjam amigonïñataqui, cunapachatï aca yänacajj tucusjjani ucqhajja wiñay jacañ utanacaru mayni jumanacar catokerejj utjañapataqui.

Lucas 19:7

Uc uñjasinjja takeniw c'umipjjäna: Jesusajj mä jucharar jaken utaparuw kheparir sari, sasa.

Lucas 7:13

Uc uñjasinsti Tatitojj jupatjja qhuyapt'ayasïnwa, ucat saraqui: —Jan jachamti —sasa.

Lucas 7:19

Jupanacarusti Jesusan ucaruw qhiti, chekpachapunit jupäpacha jutañapäcänsa uca Cristojj, jan ucajj yakharuch suyañanacapäsipqui uc yatjjatiri.

1 Samuel 12:3

Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.