Lucas 19:3

Aymar Bibliia 1986

Aca Zaqueosti Jesusarojj uñjañ munäna uñt'añataqui, ucampis janiw uñjcänti, jisc'a tansa jakëtapata, jakes waljätap laycuraqui.

Jak'a apnaqawi uñst'ayäwi

Marcos 15:40

Mä kawkha warminacaraquiw jayat uñch'uquisipcäna. Uca taypincaraquïnwa Magdalanquiri María, Joseampin sullquïri Jacobompin taycapäquis uca Mariampi, Salomé sutin warmimpi.

Lucas 12:25

¿Jumanacat cawquïris wal llaquisisinjja mä jisc'ampi jiljjataspajja?

Lucas 19:2

Ucansti mä kamir jakew utjäna Zaqueo sata, ucasti impuesto cobririnacan jilïripänwa.

Lucas 19:4

Ucatwa nayrakatar jaläna; jupar uñjañataquisti mä sicómoro sat kokaruw maqhatäna, cawqui chektejj Jesusajj pasañapäcäna uca jac'aru.

Lucas 23:8

Jesusar uñjasajj Herodesajj wal cusisïna, jupasti walpun jupar uñjañ munäna. Jupasti yakhanacatwa jupjjat parlirjja ist'atayna, ucat jupajj suyascänwa mä milagro lurir uñjañataqui.

Juan 12:21

Aca griegonacasti, Galilea Betsaidanquir Feliperuw jicjjatapjjäna, ucatsti achict'asipjjänwa: —Tata, Jesusaruw uñjañ munapjjta —sasa.