Lucas 18:32

Aymar Bibliia 1986

Jan judiöpquis ucanacaruw catuyatänejja, larusipjjaniwa, jan walinac lurapjjani, thuscatapjjaraquiniwa.

Jak'a apnaqawi uñst'ayäwi

Isaías 50:6

Jiqhanejj churta nayar jawk'añapataqui, sunqhanacajjsa jiq'irayasiractwa. Qhitinacatejj nayar jisc'achapjjetäna, uqhamaraqui thuscatapjjetäna ucanacatsa janiw maysaru uñtcaractti.

Isaías 52:14

Cunjämtejj yakhanacajj jupat muspharapcäna k'ala tucjata jan uñnakani, jan jaker uñtasita tucjata uñjasajja,

Isaías 53:3

jakenacajj juparojj jisc'achapjjänwa, apanucupjjaraquïnwa. T'akhesiñan phokt'at jakënwa, t'akhesiris yatitaraqui. Jupajj janis qhitimpi uñjatäñapas waquiscaspa uqham jisc'achatänwa, uqhamäquipansa uñisnuctanwa, apanucuractanwa.

Miqueas 5:1

“Ucampis jichhajj Jerusalén marca, waquicht'asim sayt'asiñamataqui, uñisirinacamampi muyuntataraquïtawa, Israelan jilïriparusti walwa mutuyapjjaraquini.

Mateo 16:21

Ucapachatpachwa Jesusajj discipulonacaparojj khanañchañ kalltäna jupan jiwäwipjjata. Saraquïnwa: —Jerusalenar sarañajjaw wact'itu, ucansti chuymani jilïrinacajj, uqhamarac sacerdotenacan jilïrinacapampi, ley yatichirinacampejj wal t'akhesiyapjjetani. Ucatsti jiwayapjjaraquitaniwa, ucampis quimsüru jiwatatsti jactawayjjäwa —sasa.

Mateo 20:19

Yakha toke jakenacaruraquiw catuyapjjani ucat jupanacan larusiñapataqui, nuwjapjjañapataqui ucat ch'accatapjjañapataqui, ucampis quimsüru jiwatatjja jactanjjaniwa.”

Mateo 22:6

Mayninacasti uca uywatanacarojj catuntasinjja jiwayañcamaw nuwjapjjäna.

Mateo 26:67

Ucapachaw jupanacajj ajanupar thuscatapjjäna, t'ajjllinokapjjaraquïna, mayninacasti ajanut nuwanokapjjäna.

Mateo 27:2

Juparusti ñach'antatwa apapjjäna Poncio Pilaton ucarojja.

Marcos 14:65

Ucatsti yakhep jakenacajj Jesusar thuscatañ kalltapjjäna, nayrap imantasin ch'acunokapjjaraquïna: —Sapjjeta, ¿qhitis ch'actam? —sasa. Soldadonacasti Jesusarojj t'ajjllinokapjjaraquïnwa.

Marcos 15:1

Willjtanipansti niyaw parlthapipjjäna jilïr sacerdotenacampi, jilïr chuyman jakenacampi, ley yatichirinacampi, jach'a jilïr Tantachasïwimppacha. Ucatsti Jesusar ñach'antat irpasinjja, Pilatoruw catuyapjjäna.

Lucas 18:33

Jawk'jasinsti jiwayapjjaniwa, ucampis quimsürutjja jacatataniwa jiwatanac taypita —sasa.

Lucas 23:1

Ucapachasti takeniw sartasipjjäna, ucatwa Jesusarojj Pilaton ucar irpapjjäna.

Lucas 23:11

Ucapachasti Herodesampi, soldadonacapampejj wal jisc'achapjjäna, ucatsti p'enkachañat juparojj suma isinacampiw ist'ayapjje mä reyirjama. Ucat Herodesajj wasitat Pilaton ucar qhiti.

Lucas 23:35

Ucanjja jakejj uñch'uquisipcänwa, uqhamaraquiw autoridadanacas jupatjja larusipjjäna: —Yakhanacarojj khespiyiwa; jichhajj jupa pachpa khespiyaspan, chekpachatï Diosan ajllit Cristöchi ucajja —sasa.

Juan 18:22

Jesusajj uqham sipanjja, templonquiri mä uñjiriw ucancascäna, ucasti ajanut ch'acunti: —¿Uqhamti ayncatta sacerdotenacan jilïriparu? —sasa.

Juan 18:28

Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.

Juan 18:30

Jupanacasti sapjjaraquïnwa: —Janitejj jach'a juchanïcaspa ucajja, janiw juman ucarojja irpanipquiristti —sasa.

Juan 18:32

Uqhamaw Jesusan arsutapajj phokhasi, cunjämtejj jiwañapäcäna ucajja.

Juan 18:35

Pilatosti ucjjarojj saraquïnwa: —¿Nayajj judiötti? Marca masinacamampi, uqhamarac sacerdotenacan jilïrinacapampiw, jumjj catuyapjjetu. ¿Cuns lurta? —sasa.

Hechos 2:23

Ucampisa, cunapachatï Jesusajj jumanacar catuyatäcän ucqhajja, phokhasiscänwa cunjämtï Diosajj nayratpach amtcatayna uqhamarjama. Jumanacasti jucharar jakenacan amparanacap tokew catuntapjjtajja. Ucatsti jiwayapjjaractawa, mä cruzar ch'accatasina.

Hechos 3:13

Jan ucasti, Abraham, Isaac, Jacob nayra awquinacasan Diosapaw Jesús Yokaparojj jach'ar apti. Uca Jesusarojj jumanacaw jilïrinacar catuyapjjtajja. Cunapachatï Pilatojj: “Antutjjä” sisquipansa, jumanacajj janiw munapctati.