Lucas 18:16

Aymar Bibliia 1986

Ucampis Jesusajj jawsasinwa jupanacarojj saraquïna: —Wawanacajj nayar jutasipcpan sam, jan jarc'apjjamti, Diosan marcapasti jupanacancaraquiwa.

Jak'a apnaqawi uñst'ayäwi

Génesis 21:4

ucatsti nacitapat quimsakallko uru sarakataruw circuncidaraquïna, cunjämarutejj Diosajj sawaycatayna uqhamarjama.

2 Crónicas 20:13

Judá orakenquir take jakenacawa Tatitun nayrakatapancapjjäna, uqhamarac warminacapasa, wawanacapasa, jisc'a wawanacapasa.

Jeremías 32:39

Jupanacarusti take urunacapana nayaru jach'añchquirwa tucuyaraquëjja, pachpa jupanacan asquipataqui uqhamaraqui wawanacapan asquipataqui.

Mateo 19:14

Jesusasti saraquïnwa: “Wawanacajj nayan ucar jutasipcpan, janirac jarc'apjjamti, Diosan reinopasti jupanacjamataquiwa” sasa.

Lucas 18:15

Jesusan ucarusti wawanacwa apanipjjäna llamct'añapataqui, ucampis discipulonacapajj uqham wawanac uñjasajja, tokenokapjjänwa uca wawanac apanirinacarojja.

Lucas 18:17

Khanacwa sapjjsma, qhititejj Diosan reinopjja mä wawjam jan catokcani ucajja, janipuniw Diosan reinoparojj mantcaniti —sasa.

Hechos 2:39

Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

1 Corintios 7:14

Jan iyawsiri chachasti, iyawsiri warmimpi casadötap laycuwa Diosar catuyatäjje. Uqhamaraquiw jan iyawsiri warmisa, iyawsiri chachampi jacatap laycuwa Diosar catuyatäjjaraqui. Jan uqhamäcaspa ucqhajja wawanacamajj jan iyawsiri jakenacan wawanacapjamaquïspawa, ucampis jichhajj uca wawanacajj Diosar catuyatäjjaraquiwa.

Deuteronomio 29:11

wawanaca, warminaca, uqhamarac jumanac taypin yakha marcat jutir jakenaca, lawa apanirit sipana uma apanirimppacha,

Deuteronomio 31:12

Ucapachasti takpach marcaw tantachasiñapa, take jakenaca, warminaca, wawanaca, uqhamaraqui cawquïri yakha marcat jutir jakenacatï jumanac taypin jacqui ucanacasa, uqhamat uca leyinac leet'asiri ist'apjjañapataqui, uqhamat Tatitu Diosamar jaysaña yatekapjjañapataqui, uqhamaraqui uca leyinacas sisqui uqhamarjam sarnakapjjañapataqui.

1 Pedro 2:2

Ucatsti asu wawanacjama suma k'oma ajayun leche munapjjaraquim, uqhaman jumanacajj suma jiltapjjañamataqui khespiyatäpjjañamataquiraqui,