Lucas 16:21

Aymar Bibliia 1986

Aca pobresti kamirin mesapat jalaktirinacampiw sist'asiñ munäna; anunacaw jutasin llejjtinacapjja jallk'apjjerïna.

Jak'a apnaqawi uñst'ayäwi

Mateo 15:27

Ucampis uca warmejj Jesusarojj sänwa: —Jïs, Tata. Ucampis anunacajj uywirinacan mesapat jalaktquis uca t'ant'a puchunacsa mank'asiraquiwa —sasa.

Marcos 7:28

Warmisti Jesusarojj saraquïnwa: —Uqhamaw Tata, ucampis jisc'a anunacamppachaw mesa mankhat suyasinjja, mank'apjje, wawanacas jalaktayquis uca mank'a t'unanacjja —sasa.

Lucas 16:20

Utjaraquïnwa limosna mayjasir mä pobre jakejja Lázaro sata, ucasti llejjti usun tucjatänwa. Jupasti sapüruw kamirin utap puncupan kont'asirïna.

Lucas 16:22

Mä uruw uca pobre jakejj jiwjjäna, ucatsti angelanacaw juparojj paraisor apjjapjjäna, Abrahamampïñapataqui. Kamir jakejj jiwjjaraquïnwa, juparusti imantjjapjjaraquïnwa.

Juan 6:12

Cunapachatejj sist'atäjjapjjäna ucqhajja, Jesusajj sänwa discipulonacaparojja: —Apthapipjjam uca puchunaca, jan inamayaru tucusiñapataqui —sasa.

1 Corintios 4:11

Jichhacamaw nanacajj mank'at awtjata, umat pharjata, isitsa jalstata sarnakapjjtjja, jakes uñisipjjaraquituwa, janiw utanïpcaractsa.

2 Corintios 11:27

Walja cutiw irnakäwinacan uqhamaraqui jan walt'añanacan uñjasta; walja cutiraquiw jan iquin cuna sarnakta; mank'ats awtjata umats pharjataw sarnakta; walja cutiwa ayunas sarnakta; thayansa thayjata, jan isin cuna.