Lucas 14:21

Aymar Bibliia 1986

Uca uywatasti cuttanjjasinjja ucjj take uywiriparuw yatiyäna. Ucat uywirejj colerasi, uywataparusti saraquiwa: “Janc'aqui saram, plazanacat, callenacat irptanim pobrenacaru, manconacaru, cojonacaru, juyqhunacampiru.”

Jak'a apnaqawi uñst'ayäwi

Salmos 38:7

Jiqhanejjajj ninjamaw naqhitu, janchejjajj janiw acch'as c'umaräquiti;

Isaías 35:6

suchunacasti taruja kallunacjamaw sinc'usipjjani, amutunacasti arnakasipjjaraquiniwa. Wasara waña orakensti umajj walpun jalsuni mä jach'a jawirjama tucusa.

Jeremías 5:1

Tatitojj siwa: “Jerusalén callenac muytanipjjam, suma uñatatanipjjam, plaza tokenac thaktanipjjam, inach maynsa jicjjatapjjäta take cunsa chekapar luriri, uqhamaraqui cheka chuymani. Uctejj jicjjatapjjät ucapachasti Jerusalenarojj perdonäwa.

Zacarías 11:11

Qhä urunsti arust'äwejjajj tucusjjänwa, uñch'uquisipquitäna uca oveja alaquipanacasti, amuyjjapjjänwa Tatitu parlascatapa cuntejj nayajj lurascäyäta uca toke.

Zacarías 11:7

Ucatsti qhariñataqui yakhachatäqui uca ovejanac uñjañaruw uchasta. Ucsti lurtwa uywa alaquipanac laycu. Jicjjatasiractwa pä thujrunaca: maynirojj suticharactwa “Waliquïscaña”, maynirusti suticharactwa “Mayaquïña” sasa.

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Mateo 15:12

Discipulonacapasti uca arunac ist'asinjja Jesusajj ucar jac'achasisin sapjjänwa: —Fariseonacajj uca arunacam ist'asinjja colerasipjjewa —sasa.

Mateo 18:31

Mayni jupamp chica sirvirinacajj uc lurir uñjaraquïnwa. Uqham luratapatsti walirac llaquisipjjäna, ucatwa take ucanac reyiru yatiyapjje.

Mateo 20:7

Jupanacasti sapjjewa: “Janiw qhitis nanacarojj irnakañataqui mayipquituti” sasa. Ucatwa jupajj jupanacaru sï: “Sarapjjam nayan yapojjaru, ucatsti irnakapjjam, nayasti cunatï waquisqui ucwa pagapjjäma” sasa.

Lucas 14:13

Uqham mä fiesta lurcät ucqhajja: pobrenacaru, manconacaru, cojonacaru, juyqhunacaru jawsayam;

Lucas 14:20

Maynïristi saraquïnwa: “Jichhaquiw casarasta ucat jan sarcäti.”

Lucas 14:22

Ucjjarusti uywatajj saraquïnwa: “Tata, arsutamarjamaw phokta, ucampis utjascaquiw kont'asiñajja” sasa.

Lucas 14:24

Nayasti sapjjsmawa, janiw nayrakat jawsaycta, ucanacat qhitisa mank'ajjatjja mank'apcaniti” —sasa.

Lucas 24:47

sutipanaracwa take marcanacarojj parlasini, Jerusalenat kalltasina, aqham sasa: “Jan wali jacäwinacamatjja arrepientisipjjam juchanacamajj perdonatäñapataqui” sasa.

Lucas 9:10

Apostolonacapasti cuttanjjasinjja, cuntejj lurapcatayna uc Jesusarojj yatiyapjjäna. Ucjjarusti Jesusajj apostolonacapampejj mä wasar chekaruw sarapjjäna, Betsaida marca jac'aru.

Juan 9:39

Ucatsti Jesusajj sänwa: —Nayajj acapacharu juchañchañataquiw jutta, juyqhunacajj uñjapjjañapataqui, qhitinacatejj uñjapqui ucanacan juyqhu tucupjjañapataquiraqui —sasa.

Hebreos 13:17

Ist'apjjam irpirinacamarojja, jaysapjjaraquim jupanacarojja; jupanacaw almanacamatjja llaquisipjje, Diosar take jumanacat cuenta churañäqui uc yatisina. Janirac ch'amsa tucuyapjjamti, jan ucasti cunatejj juparojj cusisïyqui uc lurapjjam, jan uqhamäspajja janiw cuna asquïcaspas jumanacataquejja.

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

Apocalipsis 19:15

Lacapatsti mä ari espadaraquiw mistüna marcanacaru ucampi chhojjriñchnokañataqui. Ucatsti wali khoru cancañampiraquiw apnakani, cunjämtï uva uma ch'irwsurejj cayumpi taquis ch'irwsojja uqhama. Diosan colerasiñapsti mä vinöcaspas uqhamwa jakenacarojj umarayani, uca mutuñasti take ch'amani Diosan colerasiñapatwa juti.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.

1 Samuel 2:8

Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.

1 Samuel 25:12

Davidan uywatanacapasti thaquinjamaw cuttawayjjapjjäna. Ucatsti Davidan ucaru purisinsti, cuntejj Nabal jakejj siscatayna take ucanacwa yatiyapjjäna.