Lucas 13:31

Aymar Bibliia 1986

Uca urunracwa mä kawkha fariseonacajj purinipjjäna, ucat Jesusar sapjjäna: —Acat sarjjam, Herodesajj jiwayañ muntam —sasa.

Jak'a apnaqawi uñst'ayäwi

Mateo 14:1

Uca urunacanjja Herodesajj Galileanwa marca apnakascäna, jupasti Jesusjjatwa yatiyäwinac yatïna.

Mateo 14:3

Uca Herodesaraquiw Juanarojj preso catuntayatayna, cadenampiraquiw cárcel mankhanjja chinuntayatayna. Uqham lurañapataquisti Herodías warmiw juchanïna, jupasti Herodesan Felipe jilapan warmipänwa.

Mateo 14:6

Herodesan urupansti, Herodiasan phuchapajj take jawsatanac nayrakatar thokt'iriw mistunïna, uca thokt'atapasti Herodesataquejj sinti sumänwa.

Lucas 23:7

Ucatsti Galileanquiriwa sipanjja, Herodesan ucaruw apayi qhititejj Galilea apnakascäna ucaru. Ucasti uca urunacanjja Jerusalenancascaraquïnwa.

Lucas 3:1

Tiberio sat emperadorajj niya tunca pheskan mara marca apnakascän ucqhajja, Poncio Pilatojj Judea marca apnakaraquïna, Herodesasti apnakaraquïnwa Galilea, Felipe jilapasti Iturea marcampi Traconite marcamppacha apnakaraquïna, Lisaniasasti Abilinia marca apnakaraquïna.

Lucas 9:7

Marca apnaker Herodesajj yatjjaraquïnwa take cuntejj Jesusajj lurcäna ucjja; ucatsti janiw yatcänti cunjäm amuyt'añsa, yakhepanacajj “Juanaw jiwatanac taypit jactanjjatayna” sapjjatap laycu.