Lucas 12:46

Aymar Bibliia 1986

ucapachaw utanipajj jan suyquis uca uru cutt'anjjani, jan yatquis uca horasaruraqui; ucat uca uywatarojj jach'a mutuña churani jan iyawsirinacamp chica t'akhesiñapataqui.

Jak'a apnaqawi uñst'ayäwi

Job 20:29

Ucanacwa Diosajj ñankha jaketaquejj waquichi, ucanacaw ñankha jakerojj suyt'ascaraqui.”

Salmos 11:5

Tatitojj juchanirus, jan juchanirus uñch'uquisquiwa, ñankha lurañ munirinacarusti walpun uñisi.

Salmos 37:9

ñankha luririnacajj oraket jakonucutäpjjaniwa, Tatitur suyt'irinacasti oraken jacasipjjani.

Salmos 94:14

Tatitojj janiw marcaparojj apanuccaniti, janiraquiw jupanquirinacarus jaytanuccaniti.

Mateo 24:50

utanejj ucapachaw jan uqham suyquipan purinini, janiraquiw cuna hora puriñapsa yatcaraquiniti.

Mateo 24:51

Juparusti wali jach'a mutuyäwi churaraquini, c'ari chuyman jakenacamp chicaw t'akhesini, ucanwa wararini laca ch'aqhsa t'urusiraquini.

Lucas 12:40

Uqhamaraquiy jumanacajj waquichatäpjjamjja; Jaken Yokapasti cuna horasatï jan amuyasipcäta, ucqhaw jutani.”

Lucas 12:45

Ucampis uca uywatatejj utanin jayat purisincañap amuychejja, ucatsti yakha warmi chacha uywatanacarus nuwarchejja, ucatsti mank'añaru, umañaru, machantañaru uchasiscchejja,

Lucas 12:47

“Mä uywatatejj yatchi cuntejj utanipajj munqui jupan lurañapjja ucat jan waquiyascchiti ni jayscaracchisa, uca uywatajj mutuyäwi catokani.

Apocalipsis 16:15

“Amuyasipjjam, nayajj acatjamatwa lunthatar uñtata jutä. Cusisiñanïniw qhititejj suyasqui, uqhamarac isipsa jan k'añuchasquiti ucajja, uqhamata jan k'alala sarnakañapataqui janiraqui jakes uñch'uquiñapataqui mä p'enka k'alalätapjja.”