Lucas 11:48

Aymar Bibliia 1986

Ucampejja, nayra awquinacamajj lurapcatayna ucajj jumanacatac waliquïtap amuyt'ayapjjtajja; jupanacasti jiwayapjjänwa, ucatsti jumanacajj imäwinacapa sayt'ayapjjtajja.

Jak'a apnaqawi uñst'ayäwi

2 Crónicas 36:16

Ucampis jupanacajj larusipjjänwa Diosan qhitanacapatjja, yatiyäwinacapjja jisc'achapjjänwa, uqhamarac profetanacapatsa sawcasipjjäna, Tatitun colerapajj marcapataqui tucusjjänwa, khespiyasiajj janiw cunjämatsa utjcjjänti.

Job 15:6

“Janiraquiw nayan jumar juchañchañajjasa waquisquiti, jan ucasti juma pachpaw arunacamampi juchañchasisctajja.

Salmos 64:8

pachpa arunacapaw aynacht'añarojj puriyani, jupanacar uñjirinacasti larusipjjaniwa.

Ezequiel 18:19

Jumanacasti jichhajj sapjjätawa: ‘¿Cunatarac wawasti awquipan juchanacap jan phokhesti?’ sasa. Jïsa, wawajj cunatejj chekapäqui, cunatejj asquïqui ucwa phokharaqui, take leyinacajjsa phokharaquiwa; ucatwa jichhajj jacanejja.

Mateo 23:27

“¡Ay, camachapcaquït jumanacajj ley yatichirinaca, fariseonaca, c'ari chuymaninaca! Jumanacajja ankäjjatjja suma jank'o pintat amaya imäwjamäpjjtawa, ucampis mankhajja cunayman k'añu jiwat ch'aqhanacampi phokhantatäpjjtawa.

Mateo 23:31

Take acanac luratanacamampejja jumanacpachaw uñt'asipjjta uca profetanac jiwayir jakenacan wawanacapäpjjatamjja.

Lucas 11:47

“¡Ay, camachapcaquïta, jumanacajja! Profetanacan imäwinacapsa sayt'ayapjjtawa, ucanacjj jumanacan nayra awquinacamaquejjay jiwayapjjchejja.

Lucas 11:49

“Ucatwa Diosajj yatiñapanjj sejja: “Profetanacampi, apostolonacampwa jupanacarojj qhitäjja, ucatsti jupanacat yakhepanacarojj jiwayapjjaniwa, mayninacarusti t'akhesiyapjjaraquiniwa” sasa.

Romanos 1:32

Jupanacajj sum yatipjje cuntejj Diosajj jupanacan lurañap munqui ucjja, yatipjjaraquiwa uqham jan walinac luririnacajja jiwayatäñapa ucsa, ucampis jupanacajj lurasipcaquiwa, mayninaca uqhamanaca luripansa juc'ampwa uñjañ munapjjaraqui.

Santiago 5:10

Jilatanaca, nayra profetanacata yatekasipjjaraquim llamp'u chuymanïñjja, uqhamarac t'akhesiñsa, qhitinacatejj Tatitun sutipjjaru parlapcäna ucanacata.

Josué 24:22

Josué chachasti jupanacarojj sänwa: —Jumanacpachaw testigöpjjtajja Diosar sirviña ajllisipjjatamatjja —sasa. Jupanacasti —Testigöpjjtwa —sapjjänwa.