Lucas 10:7

Aymar Bibliia 1986

Uca pachpa utapar kheparapjjam; cuntejj churapjjätam ucsti mank'apjjam, umapjjaraquim; irnakeristi catokañapawa luräwipatjja. Jan utat ut sarapjjamti.

Jak'a apnaqawi uñst'ayäwi

Números 18:31

ucanacatsti mank'asjjapjjasmawa jumanacasa, familianacamasa, cawqha chekansa; ucajj jumanacan Jiquisiñ Carpan irnakatanacamat pagötap laycu.

Marcos 6:10

Ucatsti sascaquïnwa: —Cawqui chekansa mä utar puripjjätajja, ucancapjjaquïtaw uca chekat sarjjapjjät ucqhacama.

Lucas 10:6

Ucantejj sumancañani jakejj utjchi ucajja, jupanacataquïniw uca aruntajja; jan uqhamäcchi ucajja jan jupanacataquïcjjpanti.

Lucas 9:4

Cawqui utarus puripjjätajja, ucan kheparapjjam uca chekat sarjjañcama.

Hechos 16:15

Jupasti bautisasïnwa, familiapamp cuna. Ucjjarusti nanacarojj achict'apjjaraquituwa: —Jumanacatejj nayan Tatitur chekpach iyawsatajj amuyapjjstajja, jutapjjam ucatsti utajjan korpachasipjjam —sasa. Nanacarusti munquir jan munquir kheparayapjjetu.

Hechos 16:34

Uca khepatsti Pablompir Silasampir utapar irpasinwa mank'ayäna. Jupamp familiapampisti Diosar iyawsapjjatapatjja, wal cusisipjjäna.

Hechos 16:40

Carcelat mistjjasinsti jupanacajj Lidian utaparuw sarapjjäna. Jilatanacar tumpt'asin, uqhamarac ch'amañcht'awayasinsti sarjjapjjänwa.

Gálatas 6:6

Qhititejj Tatitun arunacap catokqui ucajja, yatichquis ucamp chicaw asquinac lurapjjañapa.

Deuteronomio 12:12

Ucatsti mä jach'a cusisiñ uru jumanacajj Tatitu Diosaman nayräjjapana lurapjjäta take wawanacamampi, uywatanacamampi chica, uqhamaraqui jumanac taypin jaquiri levita jakenacampi. Jupanacasti janiw jumanac taypina cuna orakenacsa catokapquiti.

Deuteronomio 18:8

Ucatsti quipca mank'añanacaracwa jupanacajj mayninacjam catokapjjani, awquinacapat yakha herencia catokapcani ucanacampi cuna.

1 Timoteo 5:13

Ucat juc'ampisa, utat uta sarnakasajja jayraw tucupjje, ucatsti janiw jayraquit tucupqui, jan ucasti arunacwa apnakapjje, take cun yatjjatañ munasa, jan waquisqui ucanac parlasaraqui.

2 Timoteo 2:6

Qhititejj yapun irnakqui ucajja, waquisiw nayrakat cosecha catokañapajja.