Lucas 10:16

Aymar Bibliia 1986

“¡Qhititejj jumanacar ist'qui ucajj nayaruw ist'itu; qhititejj jumanacar jan ist'apctam ucasti nayaruw jan ist'quituti; nayaru jan ist'irïqui ucasti qhitanquitu ucaruw jan ist'quiti!.”

Jak'a apnaqawi uñst'ayäwi

Éxodo 16:7

Jumanacasti arumanthiwa uñjapjjäta Tatitun jach'a cancañapa, jupasti jumanacana jupa contra jan wali parlapjjatamjja ist'iwa. Ucampis qhitïpjjtsa nanacajja, jumanacan jan wali parlapjjañamataquejja —sasa.

Éxodo 16:8

Moisesasti sascaquïnwa: —Jayp'urusti Tatitojj churapjjätamwa aycha mank'apjjañamataqui, uqhamarac alwatarusti churapjjaraquïtamwa walja t'ant'a sist'asiñcam mank'apjjañamataqui. Ucampis jupajj ist'iwa jumanacajj jupa contra jan wali parlapjjatamjja, ¿nanacajj qhitïpjjtsa? Jumanacasti janiw nanac contra parlapctati jan ucasti Tatitu contraw parlapjjtajja.

Malaquías 1:6

Take ch'aman Diosasti sacerdotenacarojj aqham siwa: “Wawanacasti awquinacaparojj munapjjewa, uqhamaraqui uywatanacas uywirinacaparojj munapjjaraquiwa. Ucampisa nayatejj jumanacan awquinacamästa, ucapachasti ¿cunatarac jan nayarusti munapjjesta? Nayatejj jumanacan uywirimästa ucqhasti, ¿cunatarac jan nayarusti ajjsarañampi uñjapjjesta? Jumanacasti jisc'achapjjestawa, ucatsti sasipcactawa: ‘¿Cunanarac nanacasti jumarojj jisc'achapjjsma?’ sasa.

Números 14:11

Ucatsti Tatitojj Moisesarojj sänwa: —¿Cunapachcamas aca marcajj jisc'achascaquitani? ¿Cunapachcamas nayatjja pächasisipcaquini, jupanac taypina milagronac lurcta ucqhasa?

Números 14:2

Take jupanacaw Moisés, uqhamarac Aarón toke jan wali arunac parlapjjäna, aqham sasa: “Egiptonsa jiwarascasäna jan ucajj aca wasaransa.

Números 16:11

Chekpachansa Aaronajj janiw qhitïquisa jupat parlasitanacamajja; Tatitu contraw jumasa, jilanacamasa sartapjjtajja —sasa.

Mateo 10:40

“Qhititejj jumanacaru catokapcätam ucanacajj nayaruw katoketu; qhititejj nayar catokquitu ucajja, qhitanquitus ucaruw catoke.

Mateo 18:5

Qhititejj mä wawaru sutejjar aca wawarjam catokqui ucajja, nayaruw catokasquitu.

Marcos 9:37

—Qhititejj aqham wawaru nayan sutejjan catokqui ucajja nayaruw catoketu. Nayar catokeristi janiw nayarus catokquituti, jan ucasti qhitanquitu ucaruw catokaraqui —sasa.

Lucas 9:48

Ucat saraqui: —Qhititejj aca wawar sutejjan catokqui ucajj nayaruw catoketu; qhititejj nayar catokquitu ucajj qhitanquitu ucaruw catokaraqui. Uqhamasti qhititejj jumanac taypinjj juc'amp jisc'äqui ucaw juc'amp jach'aru tucuyatänejja —sasa.

Juan 12:44

Jesusajj jach'at arsusin jupanacarojj sänwa: “Qhititejj nayar iyawsquitu ucajja, janiw nayaruquiti iyawsquitu, jan ucasti qhitanquitu uca Awquejjaruw iyawsaraqui.

Juan 12:48

Qhititejj nayaru jisc'achquitu, ucatsti janiraqui arunacajjarjam lurquiti, ucan juchañchiripajj utj-jjewa. Cawquïr arunactejj nayajj arsctjja ucanacaw juchañchascani juparu khepa urunjja.

Juan 13:20

Khanacwa sapjjsma, qhititejj catokqui nayan qhitatajjaru ucajja nayaruw catoketu; nayaru catokerïqui ucasti, qhitanquitu ucaruw catokaraqui.

Hechos 5:4

¿Janit jumanccänjja uca orakejja? Jumatejj aljstajja, ¿janit uca kollkejj jumanccaraquïnjja? ¿Cunats aqham lurañ amttajja? Chekpachansa Diosaruw c'arinttajja, janiw jakenacaruti —sasa.

Gálatas 4:14

Uca ususti nayataquejj mä yant'änwa, ucampis janiw uca laycuti jumanacajj nayarojj apanucupquista, janiraquiw jisc'achapcaraquistasa. Antisas, Diosan angelapäquiristsa uqhamwa catokapjjesta, pachpa Jesucristöquiristsa uqhama.

1 Tesalonicenses 4:8

Uqhamajj qhititejj aca yatichäwir jisc'achqui ucajja janiw qhiti jakerus jisc'achquiti, jan ucasti Diosaruw jisc'achasqui, qhititejj Ajayup churquistu ucaru.