Lucas 1:80

Aymar Bibliia 1986

Yokall wawasti jiltänwa, ajayu tokenjja ch'amañchasiraquïnwa. Jupasti wasar tokenacan jacäna, cunürutejj Israel marcarojj uñstañapäcän ucürcama.

Jak'a apnaqawi uñst'ayäwi

Mateo 11:7

Jupanaca sarjjepansti, Jesusajj jakenacarojj Bautisiri Juanat parlañ kalltäna, aqham sasa: “¿Cun uñjiris jumanacajj wasarar sarapjjtajja? ¿Thayana wali onokeyata sokosaru uñjiriti?

Mateo 3:1

Uca urunacansti, Bautisiri Juanajj Judea wasararuw jutäna Diosan arunacap parlasa.

Lucas 1:15

Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Lucas 2:40

Wawasti jiltänwa ch'amansa, yatiñansa, Diosasti wal juparojj bendiciraquïna.

Lucas 2:52

Jesusasti jilascänwa janchina, uqhamarac yatiñansa; Diosataquisa, uqhamarac jakenacataquisa asquiraquïnwa.

Juan 1:31

Naya pachpawa jan yatcäyätti qhitïtapsa, ucampis nayajj juttwa umampi bautisasina Israel marcajj uca Jesusar uñt'añapataqui.”

Hechos 18:28

Jupasti judionacan pantjasïwinacapjja take jaken nayrakatapanwa khanañchäna. Judionacasti jan aruniw uñjasipjje, jupan parlatanacap ist'asinjja. Jupasti kellkatanacarjamaraquiw khanañchäna, jupanacajj suyapquis uca Jesusajj Cristötapata.

1 Samuel 2:21

Tatitusti Anarojj bendiciraquïnwa, ucatsti usur jakeptaraquïnwa. Uqhamatwa Anajj quimsa yokall wawampi pä imill wawampi wawachasïna, Samuel wawasti Tatitun nayrakatapanjja jilascaquïnwa.