Levítico 9:5

Aymar Bibliia 1986

Israelitanacasti, cuntejj Moisesajj siscatayna uqhamarjamaw Tatitumpi Jiquisiñ Carpäquis uca nayräjjaru apapjjäna, ucatsti take jakenacaw ucancapjjäna, jac'achasipjjaraquïna, ucanwa Tatitun nayrakatapan sayt'ata jicjjatasipjjaraquïna.

Jak'a apnaqawi uñst'ayäwi

1 Crónicas 15:3

Ucatsti Davidajj take Israelanquir jakenacaruw Jerusalenana tantacht'äna, Tatitun arcapa aptanjjañataqui cawqharutï mä cheka waquichcäna ucqharu.

Nehemías 8:1

Pakallko phajjsïri purinjjäna ucqhajja, israelita jakenacajja lugaranacaparojja suma utjantatäjjapjjänwa. Ucatsti take jakenacawa plazana mayaqui tantacht'asipjjäna, Uma puncu satäqui uca nayräjjana, ucatjja yatichiri Esdrasarojja sapjjänwa: —Tatitojj Israel marcaru Moisesan leyipa churcäna uca libro aptanim —sasa.

Éxodo 19:17

Ucatsti Moisesajj campamentotjja israelitanacarojj ansuwayänwa Diosampi jiquisiñataqui. Ucat kollu cayur purisasti ucqhatwa suyt'apjjäna.

Levítico 9:4

uqhamaraqui mä orko vacampi, mä orko ovejampi Tatitun nayrakatapanjja qharinucuspan, sumancthapiñataqui sacrificiot loktata. Ucjjarusti granonacat waquichata ofrenda apanipjjaracpan, aceitempi chaptata, jichhürusti Tatituw jumanacaru uñstapjjätam uca laycu” sasa.

Levítico 9:6

Ucat Moisesajj saraqui: “Tatituw acjja arsuwayi, jichhajj phokhapjjam, ucatsti Tatituw jumanacarojj jach'a khanapampi uñstapjjätam” sasa.

Deuteronomio 31:12

Ucapachasti takpach marcaw tantachasiñapa, take jakenaca, warminaca, wawanaca, uqhamaraqui cawquïri yakha marcat jutir jakenacatï jumanac taypin jacqui ucanacasa, uqhamat uca leyinac leet'asiri ist'apjjañapataqui, uqhamat Tatitu Diosamar jaysaña yatekapjjañapataqui, uqhamaraqui uca leyinacas sisqui uqhamarjam sarnakapjjañapataqui.