Levítico 8:31

Aymar Bibliia 1986

Ucatsti Moisesajj Aaronampiru, wawanacapampirojj saraquïnwa: “Uca aychsti Tatitumpi Jiquisiñ Carpar mantañäquis uca chekan khatiyapjjam, ucatsti uca pachpan mank'antapjjaraquim cuna t'ant'atejj Tatitur catuyaña canastillon utjqui ucampi, cunjämtejj Tatitojj sisquitu uqhamarjama: “Aaronampi, wawanacapampiw aca t'ant'jja mank'apjjani” sasa.

Jak'a apnaqawi uñst'ayäwi

Levítico 10:17

—¿Cunatsa jan uca juchata loktata uywjja mank'apjjta, mä kollana chekanjja? Ucajj sinti kollanawa, Tatituw jumanacarojj churapjjaractam, uqhamat jumanacajj aca jakenacan juchanacapa apapjjañanacamataqui, uqhamarac Tatitut perdón mayipjjañanacamataqui.

Levítico 6:28

Loktäwinaca churaña aychajj ñek'e phuqhur khatiyatänejja ucasti p'acjatäjjañapawa, ucampisa uca loktäwitejj broncet lurata phuqhuru khatiyatänejja, ucasti kaksusina umampi aytsutäjjañapawa.

Levítico 7:15

“Cawquïri uywanacatejj yuspagarañataqui, uqhamaraqui sumancthapiñataqui loktasqui ucanacan aychanacapasti uca urpachawa pachpan mank'antatäjjaraquini, janiw mä jisc'a aychas khepürutaquejj jilt'ayatäñapäquiti.

Juan 6:33

Diosajj t'ant'a churqui ucajja, alajjpachatwa sarakani, jupasti acapacharojj jacañwa churaraqui —sasa.

Juan 6:35

Jesusasti jupanacarojj sänwa: —Nayätwa jacañ churir t'ant'ajja. Qhititejj nayaru jutqui ucajja, janiw mayampis awtjayascaniti. Qhititejj nayaru iyawsquitani ucajja, janiw mayampis pharjayascaniti.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.