Levítico 8:12

Aymar Bibliia 1986

Ucjjarusti Moisesajj uca catuyañ aceitjja Aaronan p'ekepjjaruraquiw warjjatäna, uqhamat sacerdoteta Diosar catuyjjañataqui.

Jak'a apnaqawi uñst'ayäwi

Salmos 133:2

Ucajj k'apquir kollar uñtatawa, sacerdotenacan p'ekepat llumekasin sunqhap chek sarakqui, cunca isipawjcam purqui uqhamawa.

Éxodo 28:41

“Uca isinacampiw isintayäta Aarón jilamaru, uqhamarac wawanacaparusa. Ucatjja aceitempiw p'eket warjjatäta uqhamat jilïr cancaña churasa, uqhamarac loktaraquïta nayan sacerdotejjäpjjañapataqui.

Éxodo 29:7

Loktañ aceite aptasinjja, ucampiw Aaronan p'ekepat warjjatäta, uqhamata Diosar loktat sacerdotëñapataqui.

Éxodo 30:30

“Uqhamaraquiw uca aceitempejj warjjataraquïta Aaronaru, uqhamarac wawanacaparusa loktañataqui uqhamata nayan sacerdotenacajjäpjjañapataqui.

Levítico 10:7

Tatitumpi Jiquisiñ Carpatsa janiraqui jayaru sarapjjamti, jan jiwarapjjañamataqui, jumanacasti Tatitun aceitepampi juparu catuyatäpjjtawa uca laycu. Ucatsti cunjämtejj Moisesajj siscäna uqhamarjamaw phokhapjjäna.

Levítico 4:3

“Jucha lurirïqui ucatejj jilïr sacerdotënejja, jakenacjjaru juchapajj puritap laycojja, mä c'umara orko vaca uca jucha luratapatjja loktañapawa.

Levítico 7:36

Tatitusti saraquïnwa, israelita jakenacajj churapjjañapawa, cunürutejj jupajj sacerdotëpjjañanacapataqui utt'aycänjja uca uruta, ucasti mä wiñayataqui lurañanacäcaspas uqhama, awquinacat kalltasina wawanacapan wawanacapcama.

Levítico 8:30

Ucat Moisesajj janc'aquiw cuna aceitetejj Tatitur catuyasiñataqui uscutäcänjja uca aceite caturaquïna, uqhamaraqui cuna wilatejj altar patjjanccäna ucampi, ucatsti ucampiw Aaronaru, uqhamarac wawanacaparusa ch'allt'araquïna, uqhamarac jupanacan sacerdotëña isinacapjjarusa. Uqhamwa Aaronaru, wawanacaparusa, uca quipcaraqui sacerdotëña isinacaparusa Tatitur catuyjjaraquïnjja.