Tatitojj Moisesaruw parläna; aqham saraquïnwa:
Sacerdotenacasti uca liq'inacjja altarjjaruw naqhantayjjani, cawqhantejj altarjjan naqhantayatäñatac loktäwejj naqhasqui ucjjaru apjjatasa, Tatitutaquisti mä suma k'apquiri ofrendaraquiwa.
Cawquïri jaketejj wila mank'ani ucasti jakenacap taypitjja chhaktayatäjjaniwa.”
“Israelitanacarusti aqham saraquim: Maynitejj Tatitur loktañataqui mä uywa apcani, sumancthapiñataqui loktäwita, ucsti Tatitun nayrakataparuw apañapa.
Tatitu Diosasti Aaronarojj sänwa: “Nayaw jumar utt'aysma ofrendanac churapquitu ucanac uñjañamataqui. Take cawquïri k'oma ofrendanactejj israelitanacajj churapquitu ucanacsti, jumampiru, wawanacamampiruw churta, acasti wiñayatac uchat leyiraquïniwa.
sacerdotejj orko ovejan khathita jiqhanip aptasina, uqhamarac mä jan levaduran t'ant'a canastat apsusa, mä jan levaduran masa aptasajj Tatitur catuyat jakeruwa amparapar churani, cunapachatejj jupajj p'ekepan ñic'utap huchurascani ucapacha.
