Levítico 5:6

Aymar Bibliia 1986

ucatsti jucha luratapatjja mä kachu oveja Tatitur loktani, jan ucajj mä kachu cabräpasa, uca loktäwimpiw sacerdotejj uca jaken juchapataquejj pampachatäña jicjjatani, juchapasti perdonataraquïniwa.

Jak'a apnaqawi uñst'ayäwi

Ezequiel 40:39

Mantaña tokenquir utansti pusi mesanacaw utjaraquïna, paya purapäjjaru uca mesanacjjanwa cawquïri uywanacatejj sacrificiot naqhantayatäcani uca uywanacjja qharinucupjjerïna, jan ucajj juchata, pantjasitatsa sacrificionac loktapjjerïcän uca uywanacjja.

Ezequiel 42:13

Ucat uca jakejj saraquitu: “Amsta tokenquir utanacasa, aynach tokenquir utanacasa, cawquïrinacatejj jist'antata uta ankäjja uñcatasincqui, ucanacasti kollana utanacawa. Tatitur jac'achasipqui uca sacerdotenacasti ucanwa cawquïri kollana ofrendanacatejj loktatäqui ucanacjja mank'apjje. Ucaruw jupanacajj kollana ofrenda loktäwinaca granonacata, juchata loktäwinaca, uqhamaraqui yatcasin jucha pantjasïwinacata ofrendanacjja uchapjjäna uca chekasti kollanaraquiwa.

Ezequiel 44:27

Cunapachatejj mankhanquiri templon uta ankäjjaparu wasitat mantjjapjjani luräwinacapampi phokhañataqui, ucapachasti jucha luratanacapatjja mä sacrificio loktapjjaraquini. Naya Tatituw ucjja arsuracta.

Levítico 4:20

jan ucajj uca orko vacampejj cunjämatejj juchat sacrificio mä yakha orko vaca loktapcänjja uca quipcaraquiw loktañapa, uqhamat sacerdotejj jupanacataquejj juchanacap pampachatäña jicjjatani, ucatsti juchanacapajj perdonatäjjaraquiniwa.

Levítico 4:28

cunapachatejj jucha luratätapa amuyasjjani ucapachasti mä c'umara kachu cabra ofrendat apjjaraquini.

Levítico 4:31

Uqhamaraquiw takpach liq'jja apsuraquini, cunjämtejj sumancthapiñatac loktäwitjja apakasejja uqhamaraqui, ucatsti uca liq'jja altarjjaruw nact'ayjjaraquini Tatitutac suma k'apquiri ofrendata, uqhamat sacerdotejj uca jaketaquejj juchapat pampachatäña jicjjatani, juchanacapasti perdonatäjjaraquiniwa.

Levítico 4:32

“Uca jaketejj mä oveja apaninejja juchapat loktañataqui, ucapachajj mä c'umara kachu oveja apanini,

Levítico 4:35

Ucatsti liq'ejj apakatäñapawa takpacha, cunjämatejj sumancthapiñatac loktäwitjja apakasejja uqhama, liq'sti altarjjaruw nact'ayjjaraquini, Tatitutaqui suma k'apquiri ofrendata; uqhamat sacerdotejj uca jaketaquejj juchapat pampachatäña jicjjatani, juchanacapatsti perdonatäjjaraquiniwa.

Levítico 6:6

Tatitur loktäwipasti mä c'umara, uqhamaraqui jan camacht'ata orko ovejäñapawa, uca ovejan alapsti jumaw tantiyaraquïta, uca ovejsti jupajj tamat catokanini, ucat sacerdoten ucaruw aparaquini jucha luratat sacrificio loktañataqui.

Números 6:12

Tatitur catuyasiñanjja yakhatwa kalltaraquini, nayra catuyasitapsti janiraquiw amtascjjaniti, cawquïri ñic'utaptejj catuyascän ucajj k'añuru tucutap laycu. Uqhamaraquiw Tatitun ucaru aparaquini mä maran orko oveja juchanacapat sacrificio loktañataqui.