Levítico 3:2

Aymar Bibliia 1986

Qhititejj ofrenda loktcani ucajj, loktatäqui uca uywan p'ekepjjarojja amparap lokjjatañapawa, ucatsti qharinucuñapawa Tatitump Jiquisiñ Carpar mantañäquis ucawjaru. Ucatsti sacerdotenacaw altarjja wilampi patata, thiyanacata ch'ajjchsupjjani.

Jak'a apnaqawi uñst'ayäwi

Éxodo 29:10

“Ucjjarusti vaca kallu aparaquim Tatitumpi Jiquisiñ Carpa nayrakataru, ucana Aaronampi, wawanacapampejj uca uywan p'ekeparu amparanacapampi lokjjatapjjañapataqui.

Éxodo 29:11

Uca vaca kalljja jiwayam Diosan nayrakatapanjja, Tatitumpi Jiquisiñ Carpa mantañ puncuru.

Éxodo 29:15

“Ucjjarusti paya ovejatjja maya catum, ucaruw Aaronampi, wawanacapampejj amparanacapampi ovej p'ekeru lokjjatapjjañapa.

Éxodo 29:16

Ucatsti jiwayasinjja wilapampiw altar pataru ch'allsüta, uqhamarac altar thiyanacarusa.

Éxodo 29:19

“Ucjjarusti maynïri ovejraqui caturaquïta, Aaronampi, wawanacapampejj uca ovejan p'ekep patjjaruraquiw amparanacap lokjjatapjjañaparaquiqui.

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Levítico 1:11

ucasti qharinucutäñaparaquiwa altarat amstäjjana, Tatitun nayrakatapana. Aaronan sacerdote yokanacapajj altararuwa patata, thiyanacata wilamp ch'ajjchsupjjani;

Levítico 17:3

“Cawquïri jaketejj mä orko vaca, jan ucajj mä ovejsa, jan ucajj mä cabritsa, campamentota ankäjjana jan ucajj campamento mankhansa jiwayani,

Levítico 17:4

ucatsti janiraqui Tatitumpi Jiquisiña Carpäquisa uca nayrakataru apancaniti, uqhamat Tatitun santuariopa nayrakatan mä suma ofrendata loktañataqui, ucasti wila wartatapatjja juchañchatäniwa, uqhamarac take jakenac taypitjja jiwayatäjjaniwa.

Levítico 3:3

“Qhititejj sumancthapiñatac uywa loktcani ucajj Tatitur loktañapawa, nact'ayat ofrendata, jiphillanacan liq'ipamppacha,

Levítico 3:8

ucatsti amparapjja uca uywan p'ekepjjaruw lokjjatani, ucatwa qharinucjjaraquini Tatitump Jiquisiñ Carpa nayrakatana. Ucatsti sacerdotenacajj uywan wilapjja altar patjjamppacha thiyanacamppacha ch'ajjch'upjjaraquini.

Levítico 8:22

Ucatsti Moisesajj janc'aquiw yakha orko oveja irptayaniraqui, cawquïritejj sacerdoteta Tatitur catuyasiñataqui uscutäqui uca, ucat Aaronampi, wawanacapampisti uca ovejan p'ekepjjaruw amparanacap lokjjataraquïna.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Números 18:17

Ucampisa janiraquiw vacanacana, cabritonacana, ovejanacana nayra wawachat kallunacapjja cutsuyasipcaniti, ucanacasti nayatac yakhachatawa, ucanacsti jiwarayaraquïtawa, wilapsa altararuw warjjataraquïta, liq'ipsa naqhayaraquïtawa, nayatac mä suma k'apquiri ofrendjama.

Hechos 3:15

Uqhampï jumanacajj jacañ churirirojj jiwayapjjtajja. Ucampis Diosajj juparojj jiwatanac taypitjja jactayiwa. Take acanacjja nanacaw uñjapjjaracta.

Hechos 3:26

Diosajj Yokapar jiwatat jactayasinjja, jumanacaruw nayrakat qhitanipjjtam, bendeciñapataqui, uqhamat sapakat mayni jumanacajj jan wali luräwinacam apanucupjjañamataqui.”

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.