Levítico 3:1

Aymar Bibliia 1986

“Qhititejj uywanacapata mä kachu vaca jan ucajj mä orko vacsa Tatituru sumancthapiñatac loktcani ucasti suma c'umara uywäñapawa.

Jak'a apnaqawi uñst'ayäwi

1 Crónicas 21:26

Ucatsti uqhamaw Tatitutac mä altar lurayäna, ucatjja loktänwa sumancäwi nact'at ofrendanaca, sacrificionacsa. Ucjjarusti Tatituruw art'äna, ucatsti Tatitojj juparojj ist'änwa alajjpachata nina sarakayanisina altarjjaru, nact'at loktäwinac patjjaru.

Éxodo 20:24

Jichhasti nayataqui mä altara lak'at lurarapipjjeta, ucatsti uca altarjjarojj takpach nact'ayata sacrificionaca, uqhamarac sumancañataqui sacrificionac loktapjjeta ovejanacamata, uqhamarac vacanacamatsa. Nayasti jutasinjja bendicipjjämawa take orakena, cawqhanacantejj nayan sutejjajj amtatäñapa muncäjja ucqhanacana.

Éxodo 24:5

Ucatsti Israelit waynanacwa qhithäna vaca kallunac qharsusa Tatitur jach'añchasina nact'ayasa loktapjjañapataqui, uqhamarac sumancthapiñataqui sacrificionacsa loktapjjaraquïnwa.

Éxodo 29:28

Ucasti Aaronataqui, uqhamarac wawanacapataquïniwa. Ucampis aca luräwejja israelitanacataquejja wiñayataqui leyi churatäniwa, uqhamarac israelitanacatac loktat ofrendaraqui Tatitumpi sumancañataqui.

Proverbios 7:14

“Nayajj sumancäwi sacrificionac loktañataquiw arsüyäta, jichhasti ucjja phocjjtwa.

Ezequiel 43:27

Uqhamwa pakallko uru lurapjjani, ucat quimsakallko ururusti uca uywanac loktañwa kalltjjapjjaraquini, sumancañ sacrificionac loktapjjaraquini. Ucapachaw nayajj take chuymampi uca sacrificio loktatanacamjja catokapjjaraquïma. Naya Tatituw ucjja arsta” sasa.

Ezequiel 45:15

Ovejanacatsti sapa pä patacatwa maya irparapjjaraquïta, Israelan suma pastonacapatjja. Ucanacasti granonacat ofrenda loktañataquïniwa uqhamaraqui sumancthapiñataqui sacrificiot loktañataquiraquïniwa, cunatejj jucha luratat perdón jicjjatañataqui churasqui uca. Naya Tatituw ucjja saracta.

Levítico 1:10

“Naqhantañatac loktat uywatejj mä ovej tamata jan ucajj cabra tamata churatäcani ucajj suma c'umara orköñapawa,

Levítico 1:3

“Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Levítico 17:5

Acasti Israelita jakenacan Tatituru loktapjjañapataquiwa, cawquïri uywanactejj pampana jiwayapqui ucanaca. Ucatsti sacerdoten nayrakataparu apjjañapataquiraqui, Tatitumpi Jiquisiñ Carpäquisa uca nayrakataru uscuñapataqui, uqhamat sacerdotejj ucanacjja uca jaketaqui, sumancthapiña sacrificiönacapsa loktjjañapataqui.

Levítico 3:6

“Qhititejj sumancthapiyañatac mä oveja loktani ucasti, orköpasa, kachüpasa, c'umara uywäñapawa.

Levítico 9:18

Uqhamaraquiw Aaronajj qharinucuraquïna, cawquïri orko vacampi, orko ovejamptejj israelitanacajj irpanipcatayna sumancthapiñataqui sacrificiot loktañataqui ucanaca. Wawanacapaw uca wiljja catuyapjjaraquïna, ucat Aaronajj uca wiljja altar patjjaru, uqhamarac take toketa altararojj waraquiparaquïna.

Levítico 9:4

uqhamaraqui mä orko vacampi, mä orko ovejampi Tatitun nayrakatapanjja qharinucuspan, sumancthapiñataqui sacrificiot loktata. Ucjjarusti granonacat waquichata ofrenda apanipjjaracpan, aceitempi chaptata, jichhürusti Tatituw jumanacaru uñstapjjätam uca laycu” sasa.

Amós 5:22

Uywanacsa, uqhamaraqui granonacsa sacrificiot naqhantayasa loktasipcam nayatac sasa, granotsa ofrendanaca churasipquita, janiw ucanac muncti, janiw catokcäti liq'i vaca callunaca sumancthapiñ sacrificiot loktatanacamsa.

Malaquías 1:14

Ñankhachatäpan cawquïr jaketï suma k'omar uywa nayar sacrificion loktañatac arscasina mä usut uywaqui loktjjetu ucajja. Nayaw jach'a reyinsa Reyipäta, uqhamaraqui take marcanacan ajjsaratasa.” Uqham siw take ch'aman Diosajja.

Malaquías 1:8

Jumanacataquisti ¿waliquiraquiti nayaru sacrificiona juyqhu uywanaca, cojo uywanaca, uqhamaraqui usuta uywanac loktañajja? ¡Sarapjjamay jach'a jilïri jakenacan ucaru ucanac churiri, inach jupanacajj uca churäwinac: “Waliquiw” sasa catokapjjätam!

Números 15:8

Sacrificiotejj mä vaca kallüchi, jan ucajj nact'ayata sacrificiöchi, sumancayiri sacrificiot loktatächi, jan ucajj cuna arsüwi phokhañataquïchi,

Números 6:14

ucatsti Diosarojj mä maran orko oveja ofrendat churani, uqhamarac jan cuna camachat takpach nact'ayäwi loktasa, uca quipcaraqui mä maran orko oveja jan cuna camachata, sumancjjañatac sacrificiot loktasa.

Números 7:17

khepjjarusti sumancañatac sacrificiotaquisti, pä orko vacanaca, pheska orko ovejanaca, pheska cabritonaca, pheska mä marani ovejanaca. Acanacaw Naasón sat Aminadab chachana wawapan ofrendapänjja.

Deuteronomio 12:27

Uca chekanwa Diosan altarap pataru sacrificionac loktapjjäta, ucatsti cawquïri uywanacan wilanacaptejj loktañataqui churapcäta ucanacjja Diosan altarap pataruwa waratatapjjäta, ucampis aychapjja mank'apjjätawa.

Colosenses 1:20

Ucatsti munaraquïnwa aca orakpachpana Cristo toke sumancañajj utjañapa, take aca orakpachanquirinacampi, alajjpachanquirinacampisa, sumancthapiñapa Criston crusan jiwäwip toke.

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.

1 Juan 1:3

Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

Jueces 20:26

Ucatsti take Israel marcanquir soldadonaca, jakenaca uqhamaw Belén marcar jutapjjäna Diosan nayrakatapan jachiri. Jupanacasti sapüruw jan mank'atasa ayunapjjäna, uqhamaraqui Diosarojj holocausto sat sacrificio loktapjjaraquïna sumancthapiñataqui.

Jueces 21:4

Ucat khepa urusti israelitanacajj wali alwata sartasinjja mä altara lursupjjäna. Ucatwa Diosaru holocausto sat sacrificionacjja loktapjjäna sumancañataqui.