Levítico 26:9

Aymar Bibliia 1986

Jumanacarusti suma uñjapjjaraquïma, uqhamarac waljaniruwa mirtayapjjaraquïma; jumanacampi arust'äwi luratajjsti sumwa imaraquëjja.

Jak'a apnaqawi uñst'ayäwi

Génesis 1:28

ucjjarusti bendiciraquïnwa: “Jichhajj wali mirantapjjam, aca orakerusti phokhantapjjaraquim, apnakapjjaraquim; take chawllanacarusa, jamach'inacarusa apnakapjjam, uqhamaraqui orakenjam katatnaktir animalanacarusa” sasa.

Génesis 17:20

Ismael toketsti ist'aracsmawa, juparojj bendiciraquïwa wawanacapsa waljaniruw tucuyaraquï. Ismaelasti tunca payani jach'a jilïrinacan awquipäniwa, juparusti mä jach'a marcwa tucuyaraquï.

Génesis 22:17

jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Génesis 26:4

Wawanacamarusti waljaniruw tucuyä, alajjpacha warawaranacjama, take aca orakenacwa jupanacar churaraquï. Uqhamarus walja marcanacaw wawanacam toke bendicitäpjjaraquini,

Génesis 28:14

Wawanacamasti lak'a polvor uñtata sinti waljapunïniwa, ucatsti amstaru, aynacharu, inti jalanta tokeru, inti jalsu tokeruw saratatapjjaraquini, aca oraken take familianacasti juma toke, uqhamarac wawanacam tokew bendición catokapjjani.

Génesis 28:3

Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

Génesis 48:4

“Nayaw walja wawanacani tucuyäma, uqhamarac wawanacamajj walja marcanacwa sayt'ayapjjani. Uqhamarus wawanacamarojj aca orake churä. Wiñayataquiw jupanacancaraquini” sasa.

Génesis 6:18

Ucampisa jumampejj mä suma arust'äwi lurä, uca arcarusti yokanacamampi, warmimampi, yojjch'anacamampi, uqhamarac jumampi ucanacaw mantapjjäta.

1 Reyes 3:8

Ucampis jichhajja jumajj ajllisctasa uca marca nayrakatanctwa; uca marcasti wali jach'awa, waljätapatsti janiw jact'añjamäquiti, kawkhätapasa amuyt'añjamäquiti.

2 Reyes 13:23

Ucampis Tatitojj jupanacatjja qhuyapayasïnwa, uqhamarac Abraham, Isaac, Jacob jupanacampi suma parlt'äwiru mantatapatwa amtasïna, ucatsti janiw tucjañsa, ni jakonucuñsa muncänti jupan nayrakatapatjja. Jichhacamasa janiw uqhamjja lurquiti.

Nehemías 2:20

Nayasti jupanacarojj sistwa: —Alajjpachanquir Diosawa nanacar atipt'ayapjjetani. Nanaca Diosan sirvirinacapasti perka sayt'ayañjja kalltapjjäwa, ucampisa jumanacajj janiw Jerusalenampejja cuna arsuñanïpctasa, ni cuna lurañanïpctasa, ni cuna amtañanïpcaractasa —sasa.

Nehemías 9:23

Jupanacarojj walja wawaninacaruwa tucuyäyätajja cunjämatï alajjpachana warawaranacajj walja utjqui uqhama, ucatjja irpäyätawa cawquïr oraktejj nayra awquinacaparu arscäyäta churañataqui uca orake catokasipjjañapataqui.

Salmos 107:38

Tatituw asquip churi, juc'amp jiljjatayi, uywanacap mirantayaraqui.

Salmos 89:3

Jumaw Davidampejj arust'äw luräyätajja, ajllit uywatamarojj arsüyätawa:

Éxodo 1:7

Israelan wawanacapajja jiltasinjja waliw mirantapjjänjja, ucampis waljanïsajja wali ch'amaniraquiw tucupjjäna, ucatsti uca orakenjja jupanacaquiw phokhantjjapjjäna.

Éxodo 2:25

Ucatsti Diosajj israelitanacar t'akhesir uñjasinjja, amuyänwa jan walt'añancapjjatapa.

Éxodo 6:4

Uqhamarac jupanacampejja mä suma amtäwiruraquiw mantapjjaracta. Ucat arsuyätjja Canaán orake jupanacar churañataqui, cawqhantejj mä urunacajj jayanquir jakenacjama jacapcäna uca orake.

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Jeremías 23:3

Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.

Jeremías 23:4

Awatirinacwa jupanacaru awatiñapataqui uscurapï, jan cunsa ajjsarapjjañapataqui, ni maynisa chhakhañapataqui. Naya Tatituw ucjja arsta.”

Jeremías 33:3

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Ezequiel 16:62

Nayasti jumampejj arust'äwejj-jja wasitatwa lurä, ucapachaw jumajj nayan Tatitütajj uñt'araquitäta.

Ezequiel 36:9

Nayaw jumanacarojj arjjatapjjäma, jumanacarusti suma yapucht'ata, walja yapunacani tucuyapjjaraquïma.

Levítico 26:15

jan ucasti nayan leyinacajjsa, uqhamarac arsutanacajjsa jisc'achapjjaraquïta, janiraqui cawquïri camachi arunacajjsa phokhapcätati, uqhamat nayan jumanacampi arust'asitajjsa jan phokhapcaraquïtati,

Lucas 1:72

Awquinacasata qhuyapayasisa, janiraquiw armt'ascänti kollan arsutanacapatjja.

Deuteronomio 28:11

Diosaw munasiñap uñacht'ayätam, walja wawanac jumar churasina, uqhamaraqui jilarquir orakenacamar achuyasa, cunjämtï awquinacamar arupampi arsusina churä siscatayna uqhamarjama.

Deuteronomio 28:4

Uqhamaraqui bendicitäni take wawanacamasa, cosechanacamasa, vacanacamasa, ovejanacaman kallunacapasa, take uywanacamasa.

Deuteronomio 7:13

Jumanacarusti munasiñampiw uñjapjjätam, bendicipjjaraquïtamwa waljaniru mirtayasa; uqhamaraquiw jupajj bendiciraquini wawanacamaru, yapunacamaru, cosechanacamaru, trigo yapunacamaru, vinomaru, aceitemaru, uqhamaraquiwa bendicini vacanacamana, ovejanacamana kallunacaparusa, cawquïri oraktï churä siscän awquinacamaru arupampi arsusina ucanacaru.

Hebreos 8:9

Ucajj janiw cunjämtejj nayra awquinacamampi lurcta uqhamäcaniti, cunürutejj amparanacapat catusina Egipto marcat irpsunïyäta uqhama. Uca arust'äwirusti janiw phokhapcänti, ucatwa jupanacarojj jaytanucta, siw Tatitojja.