Levítico 26:22

Aymar Bibliia 1986

Jumanacjjarusti montenquiri khoru animalanac antutanëjja, ucanacasti jumanacarojj jan wawani antutapjjätam, uywanacamsa jisc'a jisc'a tucjapjjaraquini, jumanacarus juc'aruw tucjapjjaraquïtam, janiraquiw qhitis jumanacan thaquinacamanjja sarnakcjjapjjaniti.

Jak'a apnaqawi uñst'ayäwi

2 Reyes 17:25

Ucampis uca jakenacana jan Tatitur yupaychapjjatap laycojja, Tatitojj leonanacwa qhitanïna cunapachatï jupanacajj utjnoktapcäna ucqha, ucatjja leonanacajj mä yakhep jakenacarusti jiwayänwa.

2 Reyes 2:24

Eliseosti jupanacar uñtasinjja, maldicïnwa Tatitun sutiparu. Ucat ucspachawa pä osojja ch'umit mistunisina jisc'a jisc'a tucjäna jupanacat pusi tunca payaniru.

2 Crónicas 15:5

Qhä pachanacansti janiw qhititaquis samarañajj utjcänti, jan ucasti walja t'akhesiñanacawa utjäna take marcanacanquiri jakenacataqui.

Isaías 24:6

Ucatwa jichhajj maldicionajj aca orakjja tucji, jakenacapasti jichhajj mutuyäwi catokapjjaraqui. Ucatwa jichhajj jakejj tucusjjaraqui, juc'aniquiraquiw kheparjje.

Isaías 33:8

Thaquinacajj ch'usa wasarar tucutawa, janiraquiw qhitis uca chek sarnakquiti. Arust'äwinacas amtäwinacas t'unasiwa, janiraquiw qhititaquisa ajjsart'añajj utjcjjeti.

Jeremías 15:3

“Naya Tatituw ucjja arsta: Jichhajj pusi casta mutuyäwinacwa apayanipjjäma: Guerran jiwarapjjäta, anunacaw katatnakapjjätam, siwek'aranacaw mank'apjjätam, montenquir animalanacaw mank'apjjaraquïtam.

Jeremías 42:2

jupanacasti Jeremías profetaru jac'achasisinsti sapjjaraquïnwa: —Maya jumat mayipjjäma, janiquiya janiw sapjjestati. Tatitu Diosamaru mayirapipjjeta nanaca juc'a jakenaca kheparapcta ucanacataqui, nayrajj waljanïpjjäyätwa, jichhasti juc'aniquëjjapjjtwa cunjämtejj jumajj uñjctajja uqhama.

Lamentaciones 1:4

¡Sionan thaquinacapajj llaquiscayawa! ¡Janiw qhitis cusisiñaru jutirejj utjcaraquiti! Marcan puncunacapasti ch'usa wasarar tucutawa; sacerdotenacasti jachapjjaraquiwa, tawakonacas wali jachapjjaraqui, Jerusalén marcasti wali t'akhesiraqui.

Ezequiel 14:15

“Nayatejj mä marcaru cunayman monte animalanac qhitirista, uca marcan utjir jakenacaru jiwarayapjjañapataqui, uca marcjja ch'usa wasararu tucuyapjjaspa, uqhamat uca chekjja jan qhitis ajjsarañatjja pasañ muncaspati, uca animalanacar ajjsaratap laycu.

Ezequiel 14:21

“Naya Tatitusti arstwa: Cunapachatejj Jerusalén marcjjaru nayajj pusi jach'a ajjsarcañ mutuyäwinaca apayanï ucqhajj juc'ampi jan walt'cañäniwa; guerranaca, mach'anaca, ajjsarcañ animalanaca, cunaymani usunaca apayancä, jakenacarusa, uywanacarusa jiwaraycä ucapachajja.

Ezequiel 33:28

Aca orakerusti wasara tucuyaraquï, k'alwa tucjaraquëjja, cawquïri ch'amapattejj wali jach'a jach'a tucupqui ucsti tucjaraquïwa. Israel marcan kollunacapasti wasararuw tucuraquini, janiraquiw qhitis uca chekjja pascaniti.

Ezequiel 5:17

Jïsa, nayaw jumanacjjarojj mach'ampi, usunacampi, jiwañampi apayanëjja, uqhamaraqui jumanacjjarojj monte animalanacaw jutani, ucanacasti jan wawani jumanacarojj jaytapjjätam. Jumanacatsti, waljaniruw guerranacan jiwarayaraquëjja. Naya Tatituw ucjja arsta” sasa.

Levítico 26:6

Jumanacarusti samarañwa uca orakenjja churapjjäma, jan cuna llaquiniquiraquiw ucanjja ict'asipjjäta, nayaw jumanacan marcamatjja monte animalanacsa, uqhamaraqui nuwasiñanacatsa jarc'ascäjja.

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”

Zacarías 7:14

Ucatpï ucsar acsar tucjtjja mä jach'a tutuca thayampjama jan uñt'apcänti uca marcanac taypiru, uca pasatatjja orakepajj mä wasararu tucutaw kheparawayi, ucansti janiw qhitis jaccjjeti. ¡Mä suma marcjja jupanacajj k'alwa tucjawayapjje!”

Deuteronomio 32:24

Fiebre usunacampi mank'at awtjataw jiwarapjjani; jupanacarusti mä jach'a usumpiw tucjä; jupanacarojj monte animalanac qhitaniraquï, uqhamaraqui venenon catarinacsa.

Jueces 5:6

Samgar sata, Anat sat chachan urunacapana, uqhamarac Jael satan urunacapanjja, saririnacajj thaquimatjja armasipjjänwa, jupanacajj jan wali thaquiruw sarapjjäna.