Levítico 26:19

Aymar Bibliia 1986

Jumanacan jach'a jach'a tucupjjatanacamsti t'unjaraquïwa, alajjpachas janiraquiw jumanacjjarojj jallu apayancjjaniti, orakes janiw achcjjaraquiniti.

Jak'a apnaqawi uñst'ayäwi

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 8:35

“Cunapachatï jallojj jan purcjjaniti marcamajj juma toke juchanac lurapjjatap laycu, ucatsti marcamajj aca chekawjanwa oración lurani, sutimsa yupaycharaquini, uqhamarac juchanacapatsa arrepientisipjjani juman mutuyatamata ucqhajja,

Isaías 2:12

Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Isaías 25:11

Moab marcasti sartasiraquiniwa amparap lokatatasa, cunjämtejj mä uman chawusir jakejj lokatatasejj uqhama, ucampis sapa onjjtasinsti, juc'ampiquiw mankharu jach'a jach'a tucuñapampi jalantawayjjani.

Isaías 26:5

Jupajj jach'a jach'a tucur jakenacarojj liwisiyiwa, jach'a jach'a tucur marcarusti jisc'achjaraquiwa, orakcama liwinucusa,

Isaías 28:1

¡Ay Samaria, Efrainan jach'a jach'a tucuñapa, uqhamaraqui machiri marca; ancuntat pankaranacampi lurat pankar arco, uca suma valle patan utjasiri jakenacapas vinompi atipjata jakenaca!

Jeremías 13:9

“Aqhampï Judá orakena, Jerusalén marcana jach'a jach'a tucutapjja t'unjäjja.

Jeremías 3:3

Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Ezequiel 24:21

‘Israel marcarojj parlam: Aqham siw Tatitojja: Nayasti templojj-jja taquisiraquïwa, jumanacasti uca templorojj wali munapjjtajja, wali uñch'uquipjjaractajja, uca templosti jumanacataquejj jach'a jach'a tucuñaraquiwa, jumanacan ch'amanacamaraquiwa; yokall wawanacama, imill wawanacama Jerusalén marcaru jaytanipctas ucanacajj jiwarayatäpjjaniwa.’

Ezequiel 30:6

‘Tatitusti aqham siwa: Qhitinacatejj Egipto marcaru yanapapcani ucanacasti guerran jiwarapjjani, Migdol sisqui ucatpacha, Asuán sisqui ucacama. Egipton jach'a jach'a tucutapasti pampa t'unataraquïniwa. Naya Tatituw ucjja arsta.’

Ezequiel 33:28

Aca orakerusti wasara tucuyaraquï, k'alwa tucjaraquëjja, cawquïri ch'amapattejj wali jach'a jach'a tucupqui ucsti tucjaraquïwa. Israel marcan kollunacapasti wasararuw tucuraquini, janiraquiw qhitis uca chekjja pascaniti.

Ezequiel 7:24

Nayasti wali khoru jakenacwa qhitaneraquëjja, uca jakenacasti marcanquiri utanacwa catuntasipjjani. Jach'a jilïri jakenacan jach'a jach'a tucutapasti tucusiraquiniwa; diosanacaparu yupaychañäqui ucqhanacsti taquisiyaraquïwa.

Daniel (hebreo) 4:37

“Jichhajj naya Nabucodonosor reyejj alajjpachanquiri reyirojj yupaycharactwa, jach'acharactwa, wakaycharactwa, cuntejj jupajj lurqui ucanacasti chekapapuniwa, uqhamaraqui qhititejj jach'a jach'a tucqui ucarusti jisc'achjaraquispawa.”

Sofonías 3:11

Uca urunjja nayan marcajja, janiw naya toke sayt'asitanacamatjja p'enkascjjätati, cuna luratanacampitï naya contra sayt'ascäyäta ucanacatjja, nayaw uca jach'a jach'a tucuri jakenacaru juma thiyat apakjjäma uca laycu. Ucatsti janiw mayampis jach'a jach'a tucjjätati nayan santo kollojjanjja.

Lucas 4:25

Nayasti sasipcaquïmawa: Israel marcanjja walja ijma warminacaw Elías profetan urunacapanjja utjäna. Jallojj quimsa mara chicani jan purjjatapatsti, take marcpachanwa mank'at awtjayasiñajj utj-jjäna.

Deuteronomio 11:17

jan ucasti Diosaw jumanacatac colerasispa, janiraquiwa jallunacsa puriycaniti, ucatsti janiraquiwa orakenjja cunas achcaniti, janc'aquiw jumanacajj jiwarapjjaraquïta cawquïri suma oraktï Diosajj churapcätam ucana.

Deuteronomio 28:23

Alajjpachatsti janiraquiw jallojj purincaniti, aca orakesti janiraquiw cunsa achurapcätamti.

1 Samuel 4:11

Diosan Arust'äwi Arcapsa catuntapjjaraquïnwa, Ofni uqhamarac Finees sata Elí sacerdoten yucanacaparus jiwarayapjjaraquitaynawa.

1 Samuel 4:3

Cunapachatejj israelitanacan ejercitopajj campamentoru cutjjän ucqhasti Israel marcan jilïrinacapajj aqham sapjjänwa: “¿Cunatsa Tatitojj uqham filisteo jakenacampi atipaypachïstu?” sasa. “¡Jichhajj Silo sat uca chekaru sarañäni, ucatsti Arust'äwi Arca aptasinjjañäni, uqhamat Tatitojj jiwasampi chicäñapataqui, uñisirinacasatsa arjjatañapataquiraqui!” sasaw sapjjaraquïna.