Levítico 26:13

Aymar Bibliia 1986

Nayätwa jumanacan Tatitu Diosamajja, nayaw jumanacarojj Egiptot apsunipjjaracsma jan ucan juc'ampi esclavot sarnakasipcañamataqui; cuna t'akhesiñatejj jumanacjjanccäna ucsa nayaw t'unatataracta, nayaw jumanacarojj jan cuna ajjsarasa sarnakayapjjaracsma.

Jak'a apnaqawi uñst'ayäwi

Salmos 116:16

Tatay, nayajj uywatamätwa, jumar loktirïtwa, uywataman wawapätwa: jumaw ñach'antatanacajj t'akanuctajja.

Éxodo 14:8

Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Isaías 51:23

Nayaw uca copjja qhitinacatejj jumar t'akhesiyapcätam ucanacar churä, qhitinacatejj jumarojj sapcäyätam: ‘Oraker liwnoktam, juma patjjwa pasañ munapjjta’ sasa, jumasti liwnokttawa, lak'ar uñtata taquisitäñamataqui.”

Isaías 9:3

Tatitu, mä jach'a cusiscañwa apantajja, cusisiñasti walipuniwa. Jakenacsa waljaptayaractawa, takeniw juma nayrakatanjja cusisipjje, yapu apthapiña urunacanjama, cunjämatejj jakenacajj cusisipqui kamir cancaña jaljasisajj uqhama.

Jeremías 2:20

“Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Jeremías 28:2

“Israelan Diosapa take ch'amani Tatitusti siwa: ‘Babilonia marcanquiri reyipan yugopjja p'acjäwa,

Jeremías 28:4

Uca quipcaraquiwa, Joacim jaken yokapa, Judá oraken Jeconías reyiparusa cuttayanjjaraquïwa aca pachpa chekaru, uqhamaraqui take jakenacasa Judá oraketa Babilonia orakeru apatäpcäna ucanacasa cuttanjjapjjaraquiniwa. Jïsa, nayaw Babilonia orakenquiri reyipan yugopjja p'acjä. Naya Tatituw ucjja arsta.’ ”

Ezequiel 30:18

Cunapachatejj nayajj Egipto marcan ch'amapa t'unjcä, uqhamaraqui cuna ch'amattejj jupajj wali jach'a jach'a tuccän uca t'unjcä ucapachasti; Tafnes sisqui ucanjja intejj ch'amact'aniwa, Egiptorusti mä kenayaw ch'iwjjataraquini, marcanacapan jaquir jakenacarusti preso catuntata apasjjapjjaraquini.

Ezequiel 34:27

Pampanquiri kokanacasti achunac churapjjaraquini, orakes sumwa achuraquini, jupanacasti jan cuns ajjsarasaw pachpa orakepan jacasipjjani. Cunapachatejj nayajj marcajjaru t'akhesirinacapat khespiyä ucapachasti, jupanacajj yatipjjaniwa nayan Tatitütajja.

Oseas 11:4

Suma koña chuymampi, munasiñampiwa lasumpjama nayarojj apcatasta; ajanojjaruraquiw apcatt'asta, ñuñuyañ wawanacäcaspas uqhama; jupanacar mank'ayañataquis waquichasiractwa,

Levítico 25:38

Nayätwa jumanacan Tatitu Diosamajja, nayaw jumanacarojj Egipto oraket apsunipjjsma, ucatsti aca Canaán orake churapjjaracsma, nayajj jumanacan Diosamäñajjataqui.

Levítico 25:42

jupanacajj nayan sirvirinacajjätap laycu; nayaw jupanacarojj Egiptot apsunta janiw jupanacajj esclavot aljatäñapäquiti.

Levítico 25:55

Israelitanacasti nayan sirvirinacajjaraquiwa, nayan sirvirinacajjawa; nayaw jupanacarojj Egipto marcat apsuniracta. Nayätwa jupanacan Tatitu Diosapajja.

Nahúm 1:13

Cuna yugotejj juma patancqui ucsa acch'a acch'wa tucjäjja, cadenanacamsa t'akanokaraquïwa —sasa.