Levítico 24:4

Aymar Bibliia 1986

Uca lamparanacasti cawquïri korit lurata candelabronacatejj utjqui ucancaniwa, Tatitun nayrakatapana.

Jak'a apnaqawi uñst'ayäwi

1 Reyes 7:49

korit lurat candelabronaca, ucasti Kollana Chekaru uchatänwa, pheskajja cupëjjaru, pheskasti ch'ekäjjaruraqui, pankara figuranacani, lamparanaca, korit lurat tenasanaca,

1 Crónicas 28:15

candelabronacataqui, lamparapamppachataqui, koritsa, kollketsa, churänwa cunjämatejj sapa mayasa cuna pesonïñapäqui uqhamaru;

2 Crónicas 29:7

Manta puncunacsa jist'antapjjänwa, lamparanacsa jiwt'ayapjjänwa, ucatsti apanucupjjänwa incienso naqhayañanaca, uqhamarac naqhata loktañanacsa Israelana Diosapan santuariopana.

Éxodo 31:8

uqhamarac lurañapataqui mesjja yänacapampi, korit lurat candelerjja yänacapampi, incienso uchañ altara,

Éxodo 39:37

Candeleronacsti koritcamaqui lurapjjäna, uqhamarac nina akayañataqui lamparanaca, ucampis lamparanacajj suma yäpar ucht'atäñapänwa. Uca quipcaraquiwa take yänacapsa lurapjjäna, aceitsa uchapjjaraquïnwa nina naqhayañataqui.

Jeremías 52:19

Uqhamaraquiwa uca guardianacan comandantepajj take korit lurat yänacsa apasjjäna: Palanganas sata korit luratäcänsa uca, braseronaca, jach'a tazanaca, khella uscuñataqui luratäcänsa uca, candelabronaca, cucharonanaca, vino ofrenda churañataqui uscutäcänsa uca copanacsa apasjjapjjaraquïnwa.

Levítico 24:3

Aaronaraquiw uca lamparanac asquichañatjja uñjani, uqhamarac uca lamparanaca Tatitun nayrakatapana jan jiwt'ayasa naqhayañatsa, arum pakariraquiw uca lamparanacajj akapjjani, Tatitumpi Jiquisiñ Carpa mankhana, cawquïri velotejj cuna arust'äwi arcatejj utjqui uca jac'ancqui ucat ankäjjanwa akaraquini. Aca leyisti wiñayataquiwa, awquinacata wawanacapcama.

Números 3:31

Aca jach'a familianacaraquiw imapjjäna Tatitun Arust'äwi Arcapa, mesapa, candeleropa, altaranacapa, uqhamarac take cunanacatejj yupaychañatac sirvqui ucanacsa, velonacapsa, take yänacapsa.

Números 4:9

Ucatsti mä morado tela aptasinjja candeleroruw ucampi imantapjjani, uqhamarac lamparanaca, tenazanaca, platillonaca, take vasonaca, cawquïrinacatejj aceitetaqui apnakasqui ucanaca.

Números 8:2

“Aarón chacharojj aqham sam: Cunapachatejj lamparanaca aktaycäta ucqhajj aqham luräta, khanapajj candelabro toker khantañapataqui” sasa.

Hebreos 9:2

Uca santuariosti aqham uscutänwa: Nayräjjancquis uca Kollan Chekäquis ucawjanjja utjänwa mä candelabrompi, mä kollan t'ant'anac uchañ mesampi.

Apocalipsis 1:20

Cupi amparajjan pakallko warawaranac uñjctas, uqhamarac pakallko kori candelabronac uñjctas ucanacajj aqham sañwa muni: pakallko warawaranacajj uca pakallko iglesianacan angelanacapawa; pakallko candelabronacasti pakallko iglesianacaraquiwa” sasa.

Apocalipsis 11:4

Aca pä testigosti cuna pä olivo kokatejj utjqui, uqhamarac pä candelabro apnokatäquis Tatitun nayrakatapanjja ucawa.

Apocalipsis 2:5

Jichhajj amuyt'asim cawqhattï liwisctas uca, ucatsti arrepientisim, cunjämtï kalltanjja sarnakcäyätas uqhamarac sarnakam. Janitejj arrepientisïtajj nayajj juma contraw sayt'ä, ucatsti candelabromjja apakaraquïmawa.