Levítico 22:13

Aymar Bibliia 1986

Ucampisa maynitejj chachampi jaljtata warmïchi jan ucajj viuda warmïchisa, janiraqui wawanïcchiti, ucatsti awquipan utaparu cuttawayjjaracchi solteräcaspas uqhama, uca warmisti awquipan mank'añanacapatwa mank'ascaraquini. Ucatsipana janipuniw yakha marcat jutirinacajja uca mank'at mank'caniti.

Jak'a apnaqawi uñst'ayäwi

Génesis 38:11

Uqhamasti Judäjj Tamar yojjch'aparojj sänwa: —Jumajj jichhajj viudätawa, ucatsti awquiman utapar sarjjam, ucan jacaraquim Sela yokajjan jilsuñapcama. Mä toketjja Judäjj amuyaraquïnwa, inampis Selajj jilanacapjam jiwjjaraquispa uca. Uqhamwa Tamar warmejj awquipan ucar sarjjäna.

Esdras 2:63

Ucjjarusti gobernadorajj jupanacarojj yatiyänwa loktat mank'anacata jan mank'apjjañapa, mä sacerdotejj Urim, Tumim ucanac toke cunjämänis uca yatiñapcama.

Éxodo 12:43

Tatitusti Moisesampiru, Aaronampirojj sänwa: “Acawa leyejj Pascua toketjja: Janiwa qhiti jaya marcanquir jakesa, uca sacrificio loktat uywjja mank'añapäquiti.

Éxodo 29:33

Jupanacasti ucanacjja mank'apjjañapawa jupanacan juchanacapajj perdonatäñapataqui loktatätap laycu, cunapachatejj jupanacajj loktatäqui sacerdotëpjjañapataqui ucqha. Ucampis yakhanacajja janiwa ucanacatjja mank'apjjañapäquiti, ucanacajj Tatitur loktatätap laycu.

Ezequiel 44:8

Nayan kollana arunacajjsti, cunjämatejj nayajj jupanacarojj jaytta uqhamarjamajj janiw phokhapquiti, ucatsti uca luräwinacjja yakha marcanacanquiri jakenacaruquiw catuyjjapjje jupanacan lurapjjañanacapataqui.’

Levítico 10:14

Ucatsti cawquïri pechotejj mä suma ofrenda loktäwïqui, uqhamarac uca charajj mä churäwïcaraqui, ucatsti mä k'oma chekawjan jumampi, wawanacamampi imill wawanacamampi mank'apjjäta, ucaraquiwa jumanacarojj wact'apjjtam cuntejj israelita jakenacajj sumancthapiñataqui ofrendata loktapqui ucanacatjja.

Levítico 22:10

“Janipuniw yakha marcat jutiri jakenacajj cunatejj kollanäqui ucanacatjja mank'caniti. Janiraquiwa sacerdoten korpachatapasa, ni sacerdotetaqui irnakeri jakesa uca kollana yänacatjja mank'añapäquiti.

Levítico 22:12

“Sacerdoten phuchapatejj yakha marcat jutiri chachampi casarasini, ucatsti janiw cunanacatejj sacerdoter churatäqui ucanacatjja mank'caniti.

Deuteronomio 24:2

Cunapachatejj uca warmejj utapat sarjjani, ucqhajj puediw yakha chachampi casarasjjaña;

1 Samuel 21:7

Uca urusti ucancascaraquïnwa Saúl reyin mä oficialapajja. Jupasti kollanawjaruw khepararaquitayna. Uca jakesti mä edomita jakënwa, Doeg sata, Saúl reyin awatirinacapan jilïriparaquïnwa.