Levítico 21:9

Aymar Bibliia 1986

“Mä sacerdoten phuchapatejj jan wali sarnakani, ucatsti walja chachanacampi sarnakeri warmi tucjjaraquini ucasti pachpa awquiparuw ñankhachasqui, uca warmejj jacquirpacha naqhantayatäñapawa.

Jak'a apnaqawi uñst'ayäwi

Génesis 38:24

Ucat quimsa phajjsi pasatatsti jakenacajj Judá chachar yatiyiriw jutapjjäna: —Yojjch'amajj yakha chachanacampiw sarnakatayna, jichhasti usuriraquiwa —sasa. Ucatsti Judá chachajj jach'atwa arsu: —¡Irpsunisin ninampi phichhantapjjam! —sasa.

Éxodo 31:14

Samarañ urusti jumanacataquejj wali kollanawa, uca laycuwa jumanacajj imapjjañamajja. Ucampis qhititejj uca uru jan imcani ucajja jiwañapawa, uqhamarac qhiti jaketejj uca uru cunsa lurani ucajja jumanac taypinjja jiwayatäñapawa.

Isaías 33:14

Sionanjja juchararanacajj qhathatipjjewa, nankha juchani jakenacasti ajjsarañampi phokhantatäjjewa, sapjjaraquiwa: “¿Qhitirac jiwasatsti jacaspa, tucjiri ninansti, wiñayatac naqhir ninansti?” sasa.

Levítico 19:29

“Janiraqui phuchamarusa ñankha luramti, juparu walja chachanacampi sarnakeri tucuyasajja, uqham lurasajj marcamaruw ñankhachasma jan wali luräwinaca lurasajja.

Levítico 20:14

“Mayni jaketejj warmt'asini phucharu, uqhamarac taycamppacharu uca jakesti jan wali luräwi lurejja, uca laycu uca jakejja, uqhamarac uca warminacasa jiwarayatäñapawa ninar naqhantayasina. Uqhamatwa jumanac taypinjja uqhama jan wali luräwinacajj jan utjcaniti.

Malaquías 2:3

“Nayaw yapunacamarus ñankhacharaquï, take ch'amanacamsa apakapjjaraquïmawa, ucatsti cawquïri uywanactï sacrificio loktañataqui apanipcäta uca uywanacan wanupampiraquiw ajanuta khallcatapjjäma. Ucatsti uca quicpa wanumpi chicaraquiw pichanucutäpjjäta.

Deuteronomio 22:21

ucapachajj awquipan uta puncuparuw irpapjjani, ucatsti jakenacajj kalampi c'upjasinwa jiwayapjjani, jupan mä jach'a jucha Israel marcan luratapata, uqhamaraqui quipca awquipan utapa p'enkachatap laycu. Uqhamatwa jumanac taypin jan walt'añanacampejj tucjapjjäta.

Tito 1:6

Mä jilïri irpirejj jacañapawa jan qhitin cuns camscaya. Mä sapa warminiquïñapawa. Wawanacapajj iyawsirinacäñaparaquiwa, janiraquiw jan walitsa ni jan wali sarnakeritsa uñt'ayasipjjañapäquiti.

Josué 7:15

Cawquïri jaketï juchani uñstcan ucasti ninampi phichhantatäniwa takpach familiapampi, uqhamarac take utjirinacapampi; Israel marcaru p'enkachayatap laycu, uqhamarac Diosampi arust'äwsa p'aquintatap laycu.

Josué 7:25

Josué chachajj Acanarojj sänwa: —¿Cunatarac jumasti aca jan walinac lurapjjestasti? Jichhasti aca urunjja Diosay jumaru mutuypan nanacar jucha apanitamata —sasa. Josué chachan uca arunac tucuyipanjja, take israelit jakenacaw kalampi c'upjasin Acán chacharojj jiwayapjjäna, takpach familiapamp chica, ucatsti ninampiw phichhantapjjäna.

1 Samuel 2:17

Uqhamapï uca waynanacan Tatitu nayrakatan jucha luratanacapajj sinti jan walipunïnwa, Tatitur ofrenda loktatanacsti janiw yäkapcänti.

1 Samuel 2:34

Cunatejj uca pani Ofni, uqhamarac Finees sat wawanacamampi pascani ucajj mä uñacht'äwit yatiyätam. Panpachanisti mä uruquiw jiwarapjjaraquini.