Levítico 16:24

Aymar Bibliia 1986

Uca quipca kollana chekanwa jarekasjjaraquini, isthapisitatsti mistunjjaraquiniwa jupa quipcat sacrificio loktañataqui, uqhamarac take jakenacataquisa, ucampiwa jupan juchanacapata uqhamarac jakenacan juchanacapatsa pampachasïwi jicjjataraquini.

Jak'a apnaqawi uñst'ayäwi

Éxodo 28:40

Uqhamarac Aaronan wawanacapataquisti luraraquïtawa túnica sat isinaca, cinturonanaca, uqhamarac turbante sata p'ekeru uchasipjjañapataqui, uqhamata jupanacajj suma c'ajquiri isinïpjjañapataqui.

Éxodo 28:41

“Uca isinacampiw isintayäta Aarón jilamaru, uqhamarac wawanacaparusa. Ucatjja aceitempiw p'eket warjjatäta uqhamat jilïr cancaña churasa, uqhamarac loktaraquïta nayan sacerdotejjäpjjañapataqui.

Ezequiel 42:14

Cunapachatejj sacerdotenacajj temploru mantapjjäna ucapachasti janiw ankäjja tokenquir uta ankäjjarojj mistunipjjañanacapäquiti, janïra uca utaru cuna isinacampitejj Tatituru sirvipcän uca isinaca isirasisajja, uca isinacasti kollanawa. Cawqhancquitejj jakenacajj ucqhar mistuniñataquisti, yakha isimpiw isthapisinipjjañapa” sasa.

Levítico 14:9

Pakallko urunaca phokhasjjepansti k'alwa ñic'utapjja mururasjjaraquini, uqhamaraqui sunqhanacapsa, nayra phichhunacapsa, janchipan utjqui uca t'awranacsa k'alwa qhitsusiraquini, uqhamarac isinacapsa t'ajjsurasjjaraquini, jupa quipcasa jarekasjjaraquini, ucapachaw k'omachata uñjasjjaraquini.

Levítico 16:25

Cawquïri uywatejj jucha luratat sacrificio loktatäcan uca liq'inacapsti altarjjaruw nact'ayjjaraquini,

Levítico 22:6

uca jakesti jayp'ucama k'añuw uñjasini, janiraquiwa kollana yänacatjja mank'añapäquiti janitejj umampi jarekascani ucapachajja.

Levítico 9:7

Moisesasti Aaronarojj saraquïnwa: “Altarar jac'achasinim, ucatsti cuntejj juchamata, sacrificio take nact'ayasin loktcäta uca loktaraquim, uqhamat juma pachpataqui juchat pampachatäña jicjjatañamataqui, ucatsti take jakenacan ofrendanacapsti loktaraquim juchanacat pampachatäña catokañataqui, cunjämtejj Tatitojj sisctam uqhamarjama” sasa.

Hebreos 9:10

Ucasti mank'añawjata, umañawjampitac parli, yakhep k'omachasiñanacampita. Ucasti ankäjjataquiquiwa ch'amanejja, cuna horasatï Diosajj mayampi machakat lurcani ucqhacama.