Levítico 16:11

Aymar Bibliia 1986

“Uca khepatsti Aaronajj orko vaca sacrificiot loktjjaraquini, ucasti pachpa juchapata sacrificio loktäwiwa, uca orko vacsti jupan pachpa juchapata, uqhamarac familiapan juchanacapata pampachatäña catokañataquiw loktaraquini.

Jak'a apnaqawi uñst'ayäwi

Levítico 16:3

Aaronajj uca kollan chekaru mantañataquejj mä orko vaca, apani jucha luratat sacrificio loktañataqui, uqhamarac mä orko oveja aparaquini takpacha nact'ayasa loktañataqui.

Levítico 16:33

juparaquiw uca kollana chekjja k'omacharaquini, uqhamaraqui Tatitumpi Jiquisiñäquisa uca Carpsa, uqhamarac altarsa, uqhamatwa sacerdotenacataquejja uca quipcaraqui take jakenacataquisa juchat pampachatäña jicjjataraquini.

Levítico 16:6

Jupan quipca juchapatwa mä vaca sacrificiot loktaraquini, uqhamat jupan pachpa juchanacapata, uqhamarac familiapan juchanacapatsa pampachatäña jicjjatañapataqui.

Levítico 9:7

Moisesasti Aaronarojj saraquïnwa: “Altarar jac'achasinim, ucatsti cuntejj juchamata, sacrificio take nact'ayasin loktcäta uca loktaraquim, uqhamat juma pachpataqui juchat pampachatäña jicjjatañamataqui, ucatsti take jakenacan ofrendanacapsti loktaraquim juchanacat pampachatäña catokañataqui, cunjämtejj Tatitojj sisctam uqhamarjama” sasa.

Hebreos 7:27

Janiw mayni jilïri sacerdotenacjamäquiti, ucanacasti animalanac jiwayasin sacrificionac sapüru loktapjje, nayrakatajj jupanacan pachpa juchanacapata, ucjjarojj jaken juchanacapatraqui. Ucampis Jesusajj mä cutiquiw wiñayataqui jupa pachpa taketac loktasiwayi.

Hebreos 9:7

Ucatsti Sinti Kollan Chekarojj jilïri jach'a sacerdotequiw mantirïna, maran mä cuti. Ucar mantañataquisti apañapänwa animalanacan wilapa, juchanacapat loktañataqui, uqhamarac jakenacataquisa.