Levítico 14:10

Aymar Bibliia 1986

“Quimsakallko ururusti pä orko ovejanaca caturaquini, uca ovejanacasti k'oma ovejanacäñaparaquiwa, uca quipcaraqui mä kachu ovejampi, ucasti mä maranïñapawa jan cuna camacht'ataraqui; uqhamarac sojjta kilo chicatani suma jac'umpi, uqhamata granonacat mä suma ofrenda loktañataquisti, aceitempi chaputäñaparaquiwa, ucjjarusti niya chicat litro aceitempi cuna.

Jak'a apnaqawi uñst'ayäwi

Éxodo 29:40

Nayrïr ovejampi chicsti loktätawa, pä kilo suma jac'u mä litro oliva sat aceitempi chaputa, ucjjarusti suma ofrendäñapataquejja mä litro vinompiraquiw warjjataraquïta.

Levítico 1:10

“Naqhantañatac loktat uywatejj mä ovej tamata jan ucajj cabra tamata churatäcani ucajj suma c'umara orköñapawa,

Levítico 1:3

“Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Levítico 14:11

Cawquïri sacerdotetejj k'omachcani ucasti, cawquïri jaketejj k'omachatäcani ucarojj uqhamaraqui take yänacapampirusa Tatitumpi Jiquisiñ Carpäquisa uca nayrakataruw uchani, Tatitun nayrakataparu;

Levítico 14:12

ucat uca ovejanacat maynïri caturaquini, uca chicat litro aceitempi chicwa loktjjaraquini, jucha luratat mä sacrificiöcaspas uqhama, uqhamat Tatitun nayrakataparu uñstayasa.

Levítico 14:15

Ucat mä juc'a aceite aptaraquini, ucatsti uca aceitjja ch'eka amparaparuw warjjataraquini;

Levítico 14:21

“Cawquïri jaketejj usutäcani ucatejj pobrëni, janiraqui take ucanacataqui kollkepajj utjarapcaniti ucapachasti mä orko oveja jucha luratata sacrificio loktañataqui apanini, ucatsti mä suma ofrendäcaspasa uqhamwa loktaraquini juchanacapat perdón jicjjatañataqui, ucjjarusti pä kilot mä juc'ampi jilt'ata suma jac'u apaniraquini, aceitempi chaptata, ucanacajj granonacat mä ofrenda loktäwïcaspas uqhama, niya chicat litro aceitempi,

Levítico 2:1

“Cunapachatejj maynejj Tatituru granonacat waquichata mä ofrenda loktäwi apanini ucqhajj, suma jac'u apaniñapawa, ucjjarusti aceitempi, inciensompi warjjatt'atäñaparaquiwa.

Levítico 2:11

“Janipun jumanacajj levadurjja uchapjjamti Tatitur loktañatac grano achunacat waquichat ofrendarojja. Janipuni cuna casta levaduranacsa uscupjjamti, misq'ïpasa Tatitur loktat ofrendajj naqhantayatäñapapuniwa.

Levítico 2:13

“Take granonacat waquichat ofrendamarojj jayuñchapunïtawa, granonacat waquichat ofrendamanjja janipuniw Diosaman amtäwi jayjja cuna laycus faltayätati. Take ofrendanacamjja jayunpunwa loktäta.

Levítico 23:13

Uqhamarusa pusi kilo chicatani suma jac'u apanipjjaraquïta, ucasti aceitempi chaputäñapawa, Tatitutaqui nact'ayasin loktatäjjaraquiniwa. Uqhamarusa mä litro vinompi apapjjaraquïta, ucasti Tatitutaqui wartataraquïniwa.

Levítico 4:32

“Uca jaketejj mä oveja apaninejja juchapat loktañataqui, ucapachajj mä c'umara kachu oveja apanini,

Levítico 9:1

Quimsakallko uru sarakatarusti, Moisesajj Aaronampiru, wawanacapampiru, uqhamarac take jilïri jakenacampiruw jawsäna,

Números 28:20

Uca sacrificionacampi chicajj, jac'umpi aceitempi chapuntat ofrenda lurapjjäta, aqham lurapjjaraquïta: Sojjta kilo jac'u sapakat vaca kalluta, pusi kilo jac'u sapa orko ovejata,

Números 6:14

ucatsti Diosarojj mä maran orko oveja ofrendat churani, uqhamarac jan cuna camachat takpach nact'ayäwi loktasa, uca quipcaraqui mä maran orko oveja jan cuna camachata, sumancjjañatac sacrificiot loktasa.

Números 7:43

ucatsti quipca ofrendanacwa nayrïrinacjama churaraquïna.

Mateo 8:4

Jesusasti juparojj saraquïnwa: —Jan qhitirus ucjj yatiyamti, jan ucasti sacerdoten ucar saram ucatsti uñacht'ayasiraquim. Moisesan yatichäwiparjam ofrenda churaraquim uqhamat jakenacajj c'umaräjjatam yatiñapataqui —sasa.

Marcos 1:44

—Ist'am, jan qhitirus cuns arsumti, ucatsipana sacerdoter uñstir saram. C'umaraptatamatsti ofrenda churaraquim Moisesan arsutaparjama, jakenacasti ucatwa juman c'umaraptatamjja yatipjjani —sasa.

Lucas 5:14

Jesusasti juparojj: —Janiw qhitirus acjj yatiyätati —sasaw ewjjt'i. Ucatsti saraquïnwa: —Jichhasti sacerdoter uñstir saram. C'umaraptatamatsti ofrenda churaraquim Moisesan arsutaparjama, jakenacasti usumat c'umaräjjatam yatjjañapataqui —sasa.

Juan 1:29

Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

Juan 6:33

Diosajj t'ant'a churqui ucajja, alajjpachatwa sarakani, jupasti acapacharojj jacañwa churaraqui —sasa.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

1 Pedro 1:19

jan ucasti Tatit Jesucriston suma wilapampi alatawa. Uca Tatitusti mä suma k'oma jan camacht'ata ovejar uñtata sacrificion loktataraquïnwa.